Klito

Perseo, protektita de Minervo, ŝtonigas Fineon per elmontro de la kapo de Meduzo, pentraĵo de Jean-Marc Nattier. Klito estis unu el la etiopaj militestroj mortigitaj de la heroo en tiu atako.

Klito (el la greka Κλύτος, «renoma») estas la nomo de diversaj roluloj de la helena mitologio:

1. Troja soldato kiu sukcesis mortigi tri grekojn dum la Troja milito^[1].
2. Elstara batalanto kaj militestro de la etiopoj. Li estis mortigita de Perseo en lia atako kontraŭ Reĝo Cefeo^[2].
3. Unu el la egiptidoj, la kvindek filoj de Egipto kiuj estis mortigitaj de siaj respektivaj edzinoj, la danaidinoj, dum nuptonokto. Li edziĝis al Aŭtodiko, lia murdistino laŭ ordono de Danao^[3].
4. Filo de Palaso el Ateno. Oni sendis tiun lastan, kune kun lia frato Buto kaj kun Cefalo, peti Eakon milithelpon por estonta atako al la armeo de Minoo^[4].
5. Filo de Zeŭso kaj la nimfo Himalio^[5].
6. Filino de Eŭripilo. Laŭ onidiro, ŝi kaj ŝia fratino Morfo estis la unuaj prostituitinoj en historio^[6].
7. Reĝo de Argo, filo kaj heredinto de Temeno, laŭ Higeno^[7]. Tamen, la plejmulto de la fontoj asertas ke la sukcedinto de la heraklida Temeno estis lia bofilo Deifonto^[8], malgraŭ la kontraŭa konspiro organizata de la ceteraj filoj de Temeno.

Genealogia arbo de la Mitaj reĝoj de Argo

Aristomaĥo                                                                                                                                       Meropo   Kresfonto   Temeno   Aristodemo   Argio                                                                                                                                                                                     Aretireo   Kiso   Falko   Klito   Hirneto   Deifonto   Agelao   Eŭripilo     Agreo     Itsmo                                                                                                                                                           Flio   Medono           Antimeno   Ksantipo   Argeo   Orsobio       Kerino   Kalio

Vidu ankaŭ

• Klejto

Notoj kaj referencoj

1. Higeno. Fabulae, 115.
2. Ovidio. Metamorfozoj, 5.87.
3. Higeno. Fabulae, 168 kaj 170.
4. Ovidio. Metamorfozoj, 7.500.
5. Diodoro Sicila. Historia biblioteko, 5.55.
6. Skolio pri Hipolito de Eŭripido, 408; kun mencio al Herodiano.
7. Higeno. Fabulae, 124.
8. Pseŭdo-Apolodoro. Mitologia biblioteko, 2.8.5.