Koldkremo
La koldkremo[1] estas miksaĵo de akvo kaj grasaĵoj, ŝmirebla sur la haŭto por glatigo kaj forigo de ŝminko.
Priskribo
[redakti | redakti fonton]La koldkremo estas emulsio de akvo, abelvakso, kaj oleoj. Tradicie, la oleoj estis plantaj oleoj, sed hodiaŭaj koldkremoj ordinare enhavas mineralajn oleojn. Nuntempe, koldkremoj ankaŭ tipe enhavas glicerinon, alkoholon, kaj lanolinon.
Uzoj
[redakti | redakti fonton]Koldkremoj malhelpas sekigon de la haŭto. Ĝi estas ofte ŝmirata sur la vizaĝo aŭ la lipoj (post forigo de ŝminko). Ĝi estas ankaŭ uzata por razado.
Historio kaj etimologio
[redakti | redakti fonton]La koldkremo havas antikvan originon. Romianoj uzis similan produkton de la nomo lōmentum. La helena kuracisto Galeno de Pergamo, de la 2-a jarcento p.K., mencias en sia libro Pri la konservado de la sano (latine De sānitāte tuendā) recepton por koldkremo; tial, koldkremo ankaŭ estas konata latine kiel cērātum Galeni.
La termino koldkremo devenas de la angla cold cream IFA:[koʊld kɹiːm], laŭvorte “malvarma kremo”.
Referencoj
[redakti | redakti fonton]Eksteraj ligiloj
[redakti | redakti fonton]- What is cold cream anyway, and is it good for your skin? (angle). The Huffington Post.