La travivaĵoj de la brava soldato Ŝvejk dum la mondmilito

Roluloj
	Švejk • Baloun vd

La travivaĵoj de la brava soldato Ŝvejk; dum la mondmilito
Origine	Osudy dobrého vojáka Švejka za světové války
literatura verko • nefinita verko
Aŭtoroj
Aŭtoro	Jaroslav Hašek
Ilustristo	Josef Lada
Lingvoj
Lingvo	ĉeĥa
Eldonado
Eldondato	1921-1923
Lando	Ĉeĥoslovakio
Trajtoj
Ĝenro	romano, satiro
Loko de rakonto	Mez-Orienta Eŭropo • Ĉeĥoslovakio • Prago
Tradukado
Tradukinto	Jozef Štadler
Roluloj
	Švejk • Baloun vd
	v • d • r

La travivaĵoj de la brava soldato Ŝvejk dum la mondmilito (ĉehe Osudy dobrého vojáka Švejka za světové války) (1921-1923) estas kvarparta humora romano de ĉeĥa verkisto Jaroslav Hašek tradukita en 54 lingvojn, kelkfoje filmita kaj ankaŭ dramigita. Temas pri la plej signifa verko de Hašek fare de multe da homoj kunigita kun ilustraĵoj de Josef Lada. La morto bedaŭrinde ne permesis al Hašek fini sian verkon.

Iomete similaj estis la Ĉonkinaĵoj de la rusa verkisto Vladimir Vojnoviĉ.

En Esperanto aperis

La travivaĵoj de la brava soldato Ŝvejk dum la mondmilito (la dek unuaj ĉapitroj de la granda verko, tradukis Jozefo Ŝtadler, 152 p, SAT 1934, reeldono 1995)
Ŝvejk soldatiĝas (la 5-a ĉapitro de la libro, tradukis, Oldřich Kníchal- En: Nova Esperanta Krestomatio, p. 184 - 188)
Aventuroj de la brava soldato Ŝvejk dum la mondmilito (kompleta traduko de Vladimír Váňa, KAVA-PECH 2004, Serio Oriento-Okcidento n-ro 38)

Recenzoj

Pri la traduko de 1934

„ Tre amuzaj epizodoj el la vivo de simplanima sed ruza ĉeho, kiu, arestite pro pretendita kontraŭŝtata agado en Aŭgusto 1914, kaj poste traktite kiel oficiala idioto, fine trovis okupon kiel soldatservisto ĉe diboĉema militpastro aŭstra. La verkon karakterizas bonhumora krudeco neniel malplaĉa, kiu donas vivsimilecon.

La stilo estas tre slaveca, ŝajna rezulto de tro laŭvorta tradukado. Abundas kombinitaj verbformoj, sen evidenta motivo, kaj la oftega uzado de al por formi t.n. “etikan dativon,” eĉ foje tute kontraŭ la senco (Ekzemple : Ĉu vi forkuros al mi kun la signifo de

de mi) iom ĝenas la leganton. Dubindan valoron havas la transliterado de propraj nomoj (Breiŝnajder, Vaterlo), ne kutima ĉe neesperantaj tradukaĵoj. Ĉu Ŝvejk reprezentas Schweig, kaj se jes, kial ne Ŝvajk ? La presaĵo estas klara kaj preskaŭ sen tipografiaj eraroj. ”

— F.E.W. La Brita Esperantisto - Numero 350, Junio (1934)

Eksteraj ligiloj

La travivaĵoj de la brava soldato Ŝvejk dum la mondmilito en la Vikimedia Komunejo (Multrimedaj datumoj)
Kategorio La travivaĵoj de la brava soldato Ŝvejk dum la mondmilito en la Vikimedia Komunejo (Multrimedaj datumoj)
La travivaĵoj de la brava soldato Ŝvejk dum la mondmilito en la Vikicitaro (Kolekto de citaĵoj)

Švejk volumo 1 pdf en esperanto Arkivigite je 2011-08-18 per la retarkivo Wayback Machine
Švejk volumo 2 Arkivigite je 2012-01-20 per la retarkivo Wayback Machine
Švejk volumo 3 Arkivigite je 2011-08-18 per la retarkivo Wayback Machine
Švejk volumo 4 Arkivigite je 2012-01-20 per la retarkivo Wayback Machine
Katalogo de Esperantomuzeo kaj Kolekto por Planlingvoj
Katalogo de Heredaĵbiblioteko Hendrik Conscience : entajpu la vortojn "aventuroj de la brava".

Bibliotekoj