Layana

Layana
municipality of Aragon (en) vd
Flago	Blazono
Administrado
Poŝtkodo	50679
En TTT	Oficiala retejo [+]
Demografio
Loĝantaro	96 (2023) [+]
Loĝdenso	26 loĝ./km²
Geografio
Geografia situo	42° 18′ N, 1° 15′ U (mapo)42.2968092-1.2449982Koordinatoj: 42° 18′ N, 1° 15′ U (mapo) [+]
Alto	486 m [+]
Areo	3,691314 km² (36 9.1 314 ha) [+]
Horzono	UTC+01:00 [+]
	Layana (Provinco Zaragozo)
	Situo de Layana
	Layana (Hispanio)
	Situo de Layana
Alia projekto
	Vikimedia Komunejo Layana [+]
	v • d • r

Layana [laĜAna] estas municipo de Hispanio, en la centrokcidento de la komarko Cinco Villas apartenanta al la norda parto de la Provinco Zaragozo (regiono Aragono).

Geografio

Ĝia malgranda (3,7 km²) municipa teritorio estas en la centrokcidento de la komarko Cinco Villas, tiel ke ĝi estas praktike ĉirkaŭita de la teritorio de Uncastillo, kvankam same limas iomete sudokcidente kun Sádaba. Trapasas ĝin la rivero Riguel, alfluanto de la rivero Arba de Luesia, unu de la du brakoj de la rivero Arba.

La loĝloko Layana (486 msm) estas je 102 km de Zaragozo. Ĝi estas komunikata per ŝoseo A-1202 kun Uncastillo nordoriente kaj kun Sádaba sudokcidente.

Historio

En la areo estis loĝado de romianoj, kiel atestas la restaĵoj de la urbo en la arkeologia kuŝejo Los Bañales. Poste ĝi estis dum kelkaj jarcentoj loĝata de araboj kaj kristanoj rekonkeris la areon en la 10-a jarcento. Ekde tiam ĝi dependis de pli grava urbo Uncastillo. Nur komence de la 20-a jarcento ĝi sendependiĝis kiel municipo.

Multaj loĝlokoj de la areo perdis loĝantaron laŭlonge de la 20-a jarcento pro rura elmigrado, kaj ankaŭ ĉe Layana: oni malaltiĝis el 479 loĝantoj en 1930 ĝis nunaj 96 loĝantoj; do, oni perdis pli ol tri kvaronojn de la loĝantaro.

Ekonomio

La loka ekonomio evoluis el la tradiciaj agrikulturo kaj brutobredado al kultura kaj rura turismo. Pro relativa proksimeco al la komarka ĉefurbo, Ejea de los Caballeros, parto de la laboristaro estas dungata tie.

Demografio

Demografia evoluo de Layana inter 1842 kaj 2022:^[1]

Loĝantara evoluo
1842	1877	1887	1897	1900	1910	1920	1930	1940	1950	1960	1970	1981	1991	2001	2008	2022
147	358	315	311	343	405	446	479	468	428	385	332	230	192	137	114	96

Vidindaĵoj

Inter vizitindaĵoj menciendas jenaj:

Preĝejo kun tritrua sonorilmuro.
Mezepoka trietaĝa gotika turo en la centro de la loĝloko 20 metrojn alta. Nune interpretejo "DE AGRI CULTURA",^[2] pri la rura vivo en romia epoko en la medio de la romia urbo kiu iam okupis la kuŝejon Los Bañales (en la municipa teritorio de Uncastillo).^[3]

Vidu ankaŭ

Municipoj de la provinco Zaragozo

Referencoj

Bibliografio

Ubieto Arteta, Antonio (1981-1989). Historia de Aragón. 6 vol. Zaragoza: Anubar.

Eksteraj ligiloj

Kategorio Layana en la Vikimedia Komunejo (Multrimedaj datumoj)

Bibliotekoj

PeEnEo: 809413

[1] INE - Instituto Nacional de Estadística de España

[2] [1]

[3] Layana estrena un centro de interpretación sobre la vida rural en la época romana

[1]

[2]

[3]