Licibořice

Koordinatoj: 49° 52′ 35″ N 15° 45′ 59″ O / 49.87639 °N, 15.76639 °O / 49.87639; 15.76639 (mapo)

Licibořice
municipo
Preĝejo de sankta Mikaelo
Flago Blazono
Oficiala nomo: Licibořice
Ŝtato	Ĉeĥio
Regiono	Regiono Pardubice
Distrikto	Distrikto Chrudim
Administra municipo	Chrudim
Historia regiono	Bohemio
Montaro	Fera montaro
Situo	Licibořice
- alteco	403 m s. m.
- koordinatoj	49° 52′ 35″ N 15° 45′ 59″ O / 49.87639 °N, 15.76639 °O / 49.87639; 15.76639 (mapo)
Katastro	9,25 km² (925 ha) Licibořice
Loĝantaro	270 (2024)
Unua skribmencio	1329
Horzono	MET (UTC+1)
- somera tempo	MET (UTC+2)
Poŝtkodo	538 21 ĝis 538 23
NUTS 3	CZ053
NUTS 4	CZ0531
NUTS 5	CZ0531 547832
Katastraj teritorioj	1
Partoj de municipo	3
Bazaj setlejunuoj	2
Situo enkadre de Ĉeĥio Situo enkadre de Ĉeĥio
Vikimedia Komunejo: Licibořice
Retpaĝo: www.liciborice.cz
Portalo pri Ĉeĥio

Municipo Licibořice situas en Ĉeĥio, regiono Pardubice, distrikto Chrudim, sur norda rando de Bohemia-Moravia montetaro, 6 km sude de urbo Slatiňany, kaj 9 km sude de urbo Chrudim. Vivas ĉi tie 270 loĝantoj (2024).

La najbaraj municipoj de la setlejo estas Svídnice, České Lhotice, Rabštejnská Lhota, Slatiňany, Nasavrky, Liboměřice kaj Křižanovice.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	309
1880	342
1890	321
1900	303
1910	294
1921	285

Jaro	Loĝantoj
1930	274
1950	257
1961	222
1970	215
1980	236
1991	224

Jaro	Loĝantoj
2001	253
2014	233
2016	240
2017	248
2018	252
2019	249

Jaro	Loĝantoj
2020	252
2021	249
2022	258
2023	269
2024	270

Partoj de municipo

• Licibořice
• Šiškovice
• Slavice

En la jaroj 1869–1900 apartenis al la municipo ankaŭ Mýtka.

Vidindaĵoj

Preĝejo

Malfrugotika preĝejo de Arĥianĝelo Mikaelo el la 2-a duono de 15-a jarcento, estis en la 18-a jarcento baroke rekonstruita. Ĝi estas ununava kun kvinlatere fermita presbiterejo, kun sakristio sur norda flanko, antaŭĉambreto sur suda flanko kaj kapelo sur okcidenta flanko. En la navo estas plata plafono kun ĥorejo portata per du kolonoj. La ĉefaltaro estas portala kun spiralaj kolonoj kaj statuoj de anĝeletoj el la 1-a duono de 18-a jarcento kun bildo de Sankta Mikaelo de J. Kokeš el la jaro 1842. La predikejo kun bildoj de ekleziaj Patroj estas el tempo ĉirkaŭ la jaro 1800. En antaŭĉambreto estas popoldevena krucifikso. En interioro konserviĝis restoj de survandaj pentraĵoj el la 15-a jarcento.

Sonorilturo

Sonoriluro estas prismoforma, ekstera muro estas ekipita per kreneloj, bulba surkonstruaĵo estas ligna. La kampanilo estis dufoje rekonstruita - baroke kaj en la jaro 1907.

Kapra farmo

En bieno n-ro 14 troviĝas kapra farmo, kie oni vendas kapran lakton, fromaĝojn kaj kosmetikaĵojn. Post interkonsento eblas efektivigi trarigardon de la farmo.

Boušovka

Naturmemorindaĵon Boušovka kreas fiŝlago kun malgranda alfluo troviĝanta sur altebenaĵo de Slavická barita arbaro. Sur malprofundaj lagaj randoj aperas marĉejaj kreskaĵoj la fiŝlaga akvoebeno estas kovrita per nimfeo (Nymphaea alba) (rozkolora formo) kaj pluaj akvaj kreskaĵoj. Kreskas ĉi tie nufaro flava (Nuphar lutea), urtikulario suda (Urticularia australis), kalto marĉa (Caltha palustris) kaj pluaj. El animaloj estas atentinda ok specioj de libeloj, rano kvakega (Rana ridibunda), rano svelta (Rana dalmatina), trituro kutima (Triturus vulgaris) kaj ondatro moska (Ondatra zibethica).

Turismaj vojoj

Tra vilaĝparto Šiškovice kaj Slavice gvidas flava turisma pado kaj tra Šiškovice kaj Licibořice iras biciklisma traceo n-ro 4112 Sezemice - Horní Bradlo

Literaturo

• Marek Podhorský: Pardubický kraj. Eldonis freytag & berndt, eldonejo en Prago en j. 2004.

Eksteraj ligiloj

• Paĝaro de mikroregiono Chrudim ĉeĥe