Lommis
| Lommis | |
|---|---|
 | |
 | |
| komunumo en Svislando | |
| Kantono | Turgovio |
| Distrikto | Münchwilen |
| Geografia situo | CH1903: 716346 / 264025 (mapo)47.5166666666678.9833333333333Koordinatoj: 47° 31′ N, 8° 59′ O; CH1903: 716346 / 264025 (mapo) |
|
| |
| Nombro de loĝantoj | 1049 |
| Areo | 8,6 km² |
| Alteco | 476 m super marnivelo |
| Poŝtkodo | 9506 |
| Komunumkodo | 4741 |
 | |
Lommis estas komunumo en la distrikto Münchwilen de Kantono Turgovio, Svislando. Ĝi havis 1 049 loĝantojn je la 31-a de decembro 2007.
Geografio
[redakti | redakti fonton]La komunumo Lommis situas en suda Turgovio en la Lauchevalo, ĉe la piedo de la monto Immenberg sude de la rivero Lauche, alfluanto de Murg. Lommis konsistas el la vilaĝoj Lommis, Kalthäusern kaj Weingarten. Tra la vilaĝo Lommis fluas la rivereto Kaabach, kiu inter Lommis kaj Weingarten alfluas al Lauche.
Najbaraj komunumoj
[redakti | redakti fonton]La komunumo Lommis limas en nordo al Thundorf, en oriento al Affeltrangen, sudoriento al Tobel-Tägerschen, en sudo al Bettwiesen, en sudokcidento al Wängi, kaj en okcidento al Stettfurt.
Kastelruino Spiegelberg
[redakti | redakti fonton]Nordoriente de Weingarten situas la ruino de la iama Kastelo Spiegelberg. Ĝi estis konstruita en la 13-a jarcento de la libersinjoroj de Spiegelberg. Ekde la jaro 1639 ĝi estis posedaĵo de la Monaĥejo Fischingen. En la jaro 1821 la kastelo kun ĝia kapelo estis malkonstruita.
Trafiko
[redakti | redakti fonton]Lommis atingeblas per poŝtaŭto ek de Frauenfeld kaj Affeltrangen. La plej proksimaj konektoj al la aŭtoŝoseo A1 apud Münchwilen kaj Matzingen atingeblas en proksimume 5 minutoj.
Aerodromo
[redakti | redakti fonton]
En Lommis troviĝas malgranda aerodromo. Ĝi havas herbejan kurvojon kun longeco de 615 m kaj estis konstruita en la jaro 1962. Ĝin funkciigas la Motorfluggrupo Turgovio (germane Motorfluggruppe Thurgau). Ĝia ICAO-Kodo estas LSZT.
Historio
[redakti | redakti fonton]La unua dokumenta mencio de Lommis datiĝas el la jaro 824 kiel Loubmeissa, kaj la municipo Kalthäusern menciiĝis unuan fojon en 1296 kiel Kalthusiren.
La municipkomunumo Lommis konsistis ek de 1803 post la fino de la Helveta Respubliko ĝis 1994 el Lommis, Kalthäusern, Weingarten, Bettwiesen kaj Wetzikon. La 1-an de januaro 1995 kadre de la turgovia komunumreformo la malnova municipkomunumo estis malfondita kaj kreita la nova politika komunumo Lommis, kiu nun konsistas el Lommis, Weingarten kaj Kalthäusern.
Eksteraj ligiloj
[redakti | redakti fonton]- Oficiala retejo de la komunumo Lommis
- Retejo de la Motorfluggrupo Turgovio
- Lommis en la Historia Leksikono de Svislando
- Kalthäusern en la Historia Leksikono de Svislando
Bildoj
[redakti | redakti fonton]-
Reformita preĝejo -
Reformita preĝejo de interne -
Katolika preĝejo -
Katolika preghejo de interne -
Faktrabdomo -
Komunuma domo -
Weingarten -
Rojo Kaabach -
Rigardo al la vilaĝo de oriento -
Rigardo al la vilaĝo de okcidento
| ||||||
