Melchnau

Melchnau
Blazono de Melchnau
Blazono de Melchnau
Melchnau
Melchnau
komunumo en Svislando
Kantono	Berno
Administra distrikto	Supra Argovio
Malnova distrikto ĝis 2009	Aarwangen
Geografia situo	CH1903: 631391 / 225872 (mapo)47.1830555555567.8527777777778Koordinatoj: 47° 11′ N, 7° 51′ O; CH1903: 631391 / 225872 (mapo)
Nombro de loĝantoj	1540
Areo	10,30 km²
Alteco	481 m super marnivelo
Poŝtkodo	4917
Komunumkodo	0333
Mapo de Melchnau
Mapo de Melchnau
v • d • r

Melchnau (prononcu melĥnaŭ) estis ĝis la 31-a de decembro 2009 komunumo de la distrikto Aarwangen kaj ekde la 1-a de januaro 2010 komunumo de la administra distrikto Supra Argovio en Kantono Berno, Svislando. Ĝi havis 1540 loĝantojn je la 31-a de decembro 2009.

Geografio

Melchnau situas en Svisa Mezlando proksimume 5 kilometrojn sudoriente de la urbo Langenthal en oriento de Kantono Berno ĉe ties limo al Kantono Lucerno, nordokcidente de la Napf-regiono. La komunumo Melchnau konsistas el la setlejoj Im Gjuch, Unterdorf, Oberdorf, Sunnhalde, Festi kaj Gibel, kaj diversaj izolitaj bienoj.

La teritorio de la komunumo etendiĝas sur areo de 10,30 km², de kiuj 35,0% estas kovritaj de arbaro, 57,1% servas por agrikulturo kaj 7,7% por setlado. ^[1]

Najbaraj komunumoj

La komunumo Melchnau limas en nordo al Untersteckholz, kiu ekde la 1-a de januaro 2010 formas parton de la komunumo Langenthal, en nordnordoriento al Pfaffnau (LU), en oriento al Altbüron (LU), en sudoriento al Grossdietwil (LU), en sudsudoriento al Gondiswil, en sudokcidento al Reisiswil, en okcidento al Madiswil, kaj en nordokcidento al Busswil ĉe Melchnau.

Trafiko

Tra Melchnau pasas la kantona ĉefvojo n-ro 239.1 de Langenthal al Haltestelle Gondiswil, krome la kantona ĉefvojo n-ro 256.1 kondukas de Melchnau al Altbüron. La plej proksima alveturejo al la svisa aŭtovojo A1 situas proksimume 12 kilometrojn norde apud Rothrist. De Melnchau ĝis kondukis tramlinio al Langenthal. Inter Melchnau kaj Sankt-Urban la linio en la jaro 1982 estis fermita por la laŭhorara trafiko. La linio tamen ankoraŭ ekzistas kaj servas por muzeaj kaj nostalgiaj ekskursoj. La konekto al la publika transportreto funkcias ek de 1982 per rekta buslinio inter Melnchnau kaj Langenthal.

Historio

La unua dokumenta mencio de Melchnau datiĝas el la jaro 1100 kiel Melchnovo en doncadokumento al la Monaĥejo Einsiedeln^[2]. Sekvis mencio en 1194 kiel Melchinove. Dum mezepoko la Baronoj de Grünenberg havis sian prasiedjon en burgo sur la kastela monto de Melchnau. En la jaro 1444 kaj 1480 la Senjorujo Grünenberg fariĝis havaĵo de la urbo Berno. Sub la berna regado ĝi formis ĝis la Helveta Revolucio de 1798 kune kun Gondiswil, Busswil kaj Aerbolligen malaltan tribunaldistrikton de la voktejo Aarwangen. Poste ĝis 1803 Melchnau apartenis al la helveta distrikto Langenthal kaj ek de 1803 al la distrikto Aarwangen, kiu kun efiko de la 1-a de januaro 2010 estis integrita al la administra distrikto Supra Argovio. ^[3]

Notoj kaj referencoj

1. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
2. Fonto: A.CB.2&start=32 Elektronika arkivejo de la Monaĥejo Einsiedeln
3. Fonto: Anne-Marie Dubler: Melchnau en Historia Leksikono de Svislando (2009-11-03)

Eksteraj ligiloj

• Kategorio Melchnau en la Vikimedia Komunejo (Multrimedaj datumoj)

• Oficiala retejo de la komunumo Melchnau

Bildoj

• 
  Vilaĝeniro, alventante de Reisiswil
• 
  Kastelmonto Melchnau kun la burgruino Grünenberg
• 
  Reformita preĝejo Melchnau
• 
  Preĝejo de interne
• 
  Historia grejnejo
• 
  Historia domo en Melchnau
• 
  Vilaĝa strato kun faktrabdomoj