Muzeo de Moderna Arto de San-Francisko
| Muzeo de Moderna Arto de San-Francisko | |||||
|---|---|---|---|---|---|
| San Francisco Museum of Modern Art | |||||
| |||||
 | |||||
museum of modern art (en)  muzeo neprofitcela organizaĵo eldonejo arta muzeo 
| |||||
| Lando | Usono vd | ||||
| Situo | San-Francisko | ||||
| Adreso | 151 Third Street | ||||
| Poŝtkodo | 94103 | ||||
| Arkitekto(j) | Mario Botta • Snøhetta vd | ||||
| Estiĝo | 1935 | ||||
| Malfermo | 1935 | ||||
| Estro | Neal Benezra (Direktoro) Robert J Fisher (Prezidanto) | ||||
| Direktoro | Grace Morley • John R. Lane • David A. Ross • Neal Benezra | ||||
| Koordinatoj | 37° 47′ 9″ N, 122° 24′ 4″ U (mapo)37.7858-122.401Koordinatoj: 37° 47′ 9″ N, 122° 24′ 4″ U (mapo) | ||||
| |||||
 Muzeo de Moderna Arto de San-Francisko | |||||
| Jaraj vizitantoj: | 650 000
| ||||
| |||||
| Retpaĝo | https://www.sfmoma.org | ||||
La San-Franciska Muzeo de Moderna Arto (angle San Francisco Museum of Modern Art, akronime konata SFMOMA) estas artmuzeo por moderna arto (t.e. de arto ekde la 1860-aj jaroj) kaj orientilo de San-Francisko, Usono. La muzeo estas prizorgita fare de neprofitcela organizaĵo kaj havas internacie agnoskitan kolekton de moderna kaj nuntempa arto. La kolektoj de la muzeo inkluzivas pli ol 33,000 verkojn de pentrarto, skulptaĵo, fotarto, arkitekturo, dezajno kaj amaskomunikila arto. La verkoj estas ekspoziciitaj en spachaloj de proksimume 16,000 kvadrataj metroj, igante la muzeon unu el la plej grandaj en Usono kaj inter la plej grandaj en la mondo por moderna kaj nuntempa arto [1][2][3].
La nuna konstruaĵo de la muzeo estis malfermita en 1994 kaj estis dezajnita fare de la svisa arkitekto Mario Botta. Ĝi fermiĝis en 2013 por ampleksa vastiĝo, dezajnita fare de la norvega arkitektura firmao Snøhetta [4], kaj remalfermis en majo 2016 [5]. La vastiĝo pli ol duobligis la ekspoziciejon de la muzeo kaj permesis al SFMOMA ekspozicii vastigitan kolekton, aldone al la "Doris kaj Donald Fisher kolekto de nuntempa arto" [6].
Historio
[redakti | redakti fonton]Kiam la muzeo malfermiĝis en 1935 sub fonda direktoro Grace L. McCann Morley (1900-1985), ĝi estis la ununura muzeo sur la Okcidenta marbordo de Usono dediĉita ekskluzive al 20-ajarcenta arto [7].
En januaro 1995, SFMOMA translokiĝis en novan konstruaĵon en la South of Market Street-distrikto (SOMA), dezajnita fare de la svisa arkitekto Mario Botta. En junio 2013, la muzeo estis fermita por renoviglaboro kaj la konstruado de etendaĵo dezajnita fare de la Snøhetta arkitektura firmao . Intertempe, ekspozicioj estis okazigitaj ĉe diversaj lokoj en la Golfregiono [8].
Ĝi remalfermis en majo 2016 kaj, je dek ses mil kvadrataj metroj, nun havas kvardek procentojn pli da ekspoziciejo ol la Muzeo de Moderna Arto de Novjorko [9]. La nova konstruaĵo ĉefe havas la kolekton de la fondinto de GAP Inc., Donald G. Fisher, kaj lian edzinon.
Pri la muzeo
[redakti | redakti fonton]SFMOMA estas privata, nekomerca institucio kaj estas gvidita fare de Neal Benezra ekde 2002.
La kolekto de la muzeo inkludas gravajn verkojn de fotarto, pentraĵo, skulptaĵo, arkitekturo kaj dezajno same kiel amaskomunikila arto, inter aliaj. de: Ansel Adams, Anna Atkins, Alice Baber, Matthew Barney, Louise Bourgeois, Constantin Brâncuși, Julia Margaret Cameron, Marcel Duchamp, Salvatore Garau, Frida Kahlo, Paul Klee, Georgia O'Keeffe, Helen Levitt, Dorothea Lange, Agnes Martin, Henri Matisse, Tina Modotti, Jackson Pollock, Man Ray, Diego Rivera, Ludwig Mies van der Rohe, Sandy Skoglund, Joel Sternfeld [10].
Lastatempe, la muzeo spertis ŝanĝojn al sia retĉeesto, aldonante blogon kie vizitantoj kaj dungitoj povas diskuti la muzeon aŭ arton ĝenerale. Cifereca biblioteko ankaŭ estas havebla rete tiel ke la konstanta kolekto povas esti alirita kaj rigardita de ie ajn en la mondo [11][12].
La 14-an de junio 2008, la muzeo reviziis sian publikan fotartpolitikon por permesi al permanentaj kolektoj kaj specialaj ekspozicioj esti fotitaj .
La muzeo situas ĉe la Yerba Buena Ĝardenoj en la tuja najbareco de la Moscone Center konferenccentro kaj estas parto de la San Francisco 49-Mile Scenic Drive. La St Regis Muzea Turo, W Hotel San Francisco, kaj la PacBell Konstruaĵo situas tuj apud la muzeo.
Galerio
[redakti | redakti fonton]-
Franz Marc.Gebirge (Montoj), 1911-1912 -
Lewis Wickes Hine.Virino kun faldita kapvestaĵo, Ellis Insulo, NY, 1905 -
Carleton E. Watkins.Mt. Broderick, Nevada Falo, 700 ft., Yosemite, 1861 -
Paul Klee.Spirito servas malgrandan matenmanĝon, Anĝelo Alportas la Dezirita, 1920
_1911-1912_Franz_Marc.jpg)
Literaturo
[redakti | redakti fonton]- John R. Lane: The making of a modern museum: San Francisco Museum of Modern Art, San Francisco Museum, 1995
- Janet C. Bishop; Corey Keller; Sarah Rehm Roberts (Hg.): San Francisco Museum of Modern Art: 75 Years of Looking Forward, San Francisco Museum of Modern Art, 2010
Referencoj
[redakti | redakti fonton]- ↑ Pilar Viladas (January 15, 1995), San Francisco's MOMA Moment Los Angeles Times.
- ↑ SFMOMA Rooftop Garden Arkivigite je 2011-05-31 per la retarkivo Wayback Machine at sfmoma.org.
- ↑ "A New Space for San Francisco Museum of Modern Art and San Francisco", ArtDaily.org, 2008-04-23.
- ↑ Jori Finkel (July 21, 2010), SFMOMA chooses architect for $250-million expansion: Norwegian firm Snøhetta Los Angeles Times.
- ↑ The New San Francisco Museum of Modern Art opened to the Public on Saturday, May 14, 2016 · SFMOMA
- ↑ The Fisher Collection
- ↑ Historio (angle) ĉe sfmoma.org.
- ↑ Erweiterung des SFMOMA
- ↑ Niklaas Maak in: Frankfurter Allgemeine Zeitung [1] abgerufen 20. Mai 2016
- ↑ Collection SFMOMA
- ↑ Biblioteko
- ↑ "The SFMOMA's New App Will Forever Change How You Enjoy Museums". Wired (magazine). 2016-05-05. Archived from the original on 2023-03-07.
Eksteraj ligiloj
[redakti | redakti fonton]- Oficiala retejo
- SFMOMA Artista Galerio ĉe Fortikaĵo Fort Mason
- Interaktiva mapo de San Franciska Muzeo de Moderna Arto
- San Franciska Muzeo de Moderna Arto de Google Arto & Kulturo
- Vidu ankaŭ en la Vikimedia Komunejo la kategorion Muzeo de Moderna Arto de San-Francisko – (Kolekto de bildoj kaj plurmediaj dosieroj)