Nana helogalo
La Nana helogalo (Helogale parvula), foje nomata Nana herpesto, estas malgranda afrika karnovorulo apartenanta al la familio de Herpestedoj aŭ Mungotedoj.
La Nana helogalo estas tipa herpesto: ĝi havas grandan pintecan kapon, malgrandajn orelojn, longan voston, mallongajn krurojn kaj longajn ungojn. Tiu specio povas esti distingata disde la aliaj herpestoj pro sia grando. Ĝi estas multe pli malgranda ol plejparto de la aliaj specioj (18 al 28 cm, 210 al 350 g); fakte ĝi estas la plej malgranda afrika karnovorulo.
