Nordamerika lanio
 | ||||||||||||||
|---|---|---|---|---|---|---|---|---|---|---|---|---|---|---|
 Nordamerika lanio, ĉe Teksaso, Usono
| ||||||||||||||
| Biologia klasado | ||||||||||||||
| ||||||||||||||
| Lanius ludovicianus (Linnaeus, 1766) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Nordamerika lanio (Lanius ludovicianus) estas mezgranda paserina birdo kiu apartenas al plej tipa genro Lanius de la familio de Laniedoj. Ĝi estas la ununura membro de la familio de Laniedoj kiu estas endemia de Nordameriko; la rilata Granda lanio (L. excubitor) loĝas norde de ties teritorio sed ankaŭ en la Palearktiso.
Aspekto kaj kutimaro
[redakti | redakti fonton]Tiu birdo havas grandan hokoforman bekon; la tre granda kapo kaj dorso estas grizaj kaj la subaj partoj estas blankaj kun tre helgriza nuanco en flankoj. La flugiloj kaj vosto estas nigraj, kun blankaj makuloj en flugiloj kaj blankaj eksteraj vostoplumoj. La nigra masko etendas super la beko, do pli ol ĉe la pli granda Granda lanio, sed ne ĝis la frunto do ne tiom kiom ĉe la eŭrazia Nigrafrunta lanio. La beko estas mallonga, larĝa ĉebaze kaj hokoforma en pinto de supra makzelo, kiel ĉe aliaj lanioj.
Tiu birdo reproduktiĝas en duonmalfermaj areoj en suda Ontario, Kebekio kaj Alberto en Kanado, suden tra Usono al Meksiko. Ili nestumas en densa arbaro kaj arbustaro. La ino demetas 4 al 8 ovojn en diketa tasforma nesto el branĉetoj kaj herbo.
Tiu specio estas de loĝantaj birdoj en la suda parto de la teritorio; dum nordaj birdoj migras iom pli suden.
Tiu birdo gvatas sur ripozejo super malferma rigardokampo kaj eksaltas suben por kapti predojn. Ties precipa manĝo estas grandaj insektoj; ili manĝas ankaŭ lacertojn kaj malgrandajn birdojn. Konata en multaj lokoj kiel "Buĉista birdo", ĝi palisumas sian predon ĉe dornoj aŭ pikdratoj antaŭ manĝi ilin, ĉar ili ne havas la ungojn de la pli grandaj rabobirdoj.
La populacio de tiu nearktisa specio malpliiĝis en la nordorientaj partoj de sia teritorio, eble pro perdo de taŭga biotopo kaj uzado de pesticidoj.
Konservostatuso
[redakti | redakti fonton]La Nordamerika lanio estas draste endanĝerita en Kanado (kvankam ne en Usono). Kaptiva populacio setlis ĉe la Toronta Zoo kaj en la McGill Universitato en 1997. Oni bredis dek idojn kiuj estis liberigitaj kiel eksperimento.[1]
Referencoj
[redakti | redakti fonton]- ↑ Toronto Zoo > Conservation > Birds. Alirita 2009-09-22 .
Literaturo
[redakti | redakti fonton]- IUCN2006, BirdLife International, 2004, 50967, Lanius ludovicianus, 12a Majo 2006. Malplej zorgiga.
Vidu ankaŭ
[redakti | redakti fonton]Eksteraj ligiloj
[redakti | redakti fonton]- [1] – Mortigado de griloj kaj musoj ĉe la Nordamerika lanio angle
- [2] – Konsekvencoj de insekticidoj sur la kutimaro de la Nordamerika lanio
- Nordamerika lanio Informaro kaj fotoj - Suddakotaj Birdoj kaj Birdumo
- Nordamerika lanio, speciinformaro – Laboratorio Cornell de Ornitologio
- Nordamerika lanio - Lanius ludovicianus - USGS Patŭent Bird Identification InfoCenter
- Poŝtmarkoj (de Meksiko]) kun teritorimapo
- Filmetoj de Nordamerika lanio ĉe Internet Bird Collection
- Nordamerika lanio, Birdosono Arkivigite je 2012-10-09 per la retarkivo Wayback Machine
| ||||||||||||||||||
