Nový Bohumín

Koordinatoj: 49° 54′ 14″ N 18° 21′ 29″ O / 49.90389 °N, 18.35806 °O / 49.90389; 18.35806 (mapo)

Nový Bohumín
pole Nowy Bogumin
urba parto
Placo de T. G. Masaryk en Nový Bohumín
Oficiala nomo: Nový Bohumín
Lando	Ĉeĥio
Regiono	Moraviasilezia regiono
Distrikto	Distrikto Karviná
Administra municipo	Bohumín
Historia regiono	Ĉeĥa Silezio
Parto de	Teŝinio
Baseno	Ostrava baseno
Memorindaĵo	Preĝejo de Dia koro
Situo	Placo en Nový Bohumín
- koordinatoj	49° 54′ 14″ N 18° 21′ 29″ O / 49.90389 °N, 18.35806 °O / 49.90389; 18.35806 (mapo)
Loĝantaro	12 012 (2021)
Horzono	MET (UTC+1)
- somera tempo	MET (UTC+2)
Situo enkadre de Ĉeĥio Situo enkadre de Ĉeĥio
Situo enkadre de Moraviasilezia regiono Situo enkadre de Moraviasilezia regiono
Vikimedia Komunejo: Nový Bohumín
Portalo pri Ĉeĥio

Nový Bohumín (Nova Bohumín) estas parto de urbo Bohumín en Ĉeĥio. Vivas ĉi tie 12 012 loĝantoj (2021).

En la tempo, kiam estiĝadis la nuntempaj urbaj partoj de Bohumín kaj funkciis kiel memstaraj municipoj, estis pri Nový Bohumín (Nova Bohumín) eĉ nek dum kelke da sekvantaj jarcentoj neniom da memoraĵo.

La estonta urbo estis fondita pro koincido de hazardoj. Danke al konstruado de stacidomo ĉe nove konstruita fervojo en la jaro 1847 ĉio estiĝadis sur katastro de municipo Šunychl, kio estis la plej malkonvena loko meze de marĉoj kaj arbaroj, kiuj estis sekigendaj. Kvazaŭ tiu ĉi stranga koincido de hazardoj predestinis eĉ malfacilan historion de la municipo kun tiama nomo Šunychl-Bohumín-nádraží (Šunychl-Bohumín-stacidomo) kaj hasta konstruado de administraj konstruaĵoj kaj loĝejoj ne lasis estiĝi al historie interesaj arkitekturaj memorigaĵoj, eĉ ne al domina placo.

Laborista kolonio por longa tempo signis karakteron de la estonta urbo. Al interesaj konstruaĵoj apartenas konstruaĵo de la stacidomo kaj precipe norda parto de la hodiaŭa Placo de T. G. Masaryk. Tiun kreas devena urbodomo el la jaro 1897 ĝis 1898, kiu post sentemaj rekonstruoj nuntempe denove servas al tiu ĉi celo, komplekso de tiamaj germanaj lernejoj, konstruitaj en la jaroj 1894 ĝis 1914 (hodiaŭ ĉefa konstruaĵo de urba ofico), katolika preĝejo de la koro de Jesuo el la jaro 1896, katolika paroĥo el la jaro 1905 kaj post ili en Hus-strato konstruaĵo de eksa virina monaĥinejo Notre Dame el la jaro 1903, kie hodiaŭ havas sidejon Mezlernejo Bohumín. En la sama novgotika stilo estis konstruita en la jaro 1901 preĝejo de Silezia evangelia eklezio de aŭgsburga konfesio en Štefánik-strato.

La nomo Šunychl-Bohumín-nádraží estis ŝanĝita la 14-an de aprilo 1924 kaj la 16-an de oktobro 1924 avancis registaro de Ĉeĥoslovaka respubliko la vilaĝon al urbo. Tial ankaŭ Nový Bohumín dum longa tempo uzis devenan municipan blazonon de Šunychl. Tio estis arĝenta plugoklingo en blua kampo, sub kiu troviĝis arĝenta kvinangula stelo. Tiu ĉi blazono estis ŝanĝita post aliĝo de Kopytov. Ekde tiu tempo la blazono havis tri partojn. En la supra ruĝa kampo estis ora flugigita rado simbolanta parton de stacidomo, la suba duono estis vertikale dividita al du partoj - la blua kaj la verda kampoj. En la dekstra blua kampo estis arĝenta plugoklingo kaj sub ĝi arĝenta kvinangula stelo, kio simboligis Šunychlon, kaj en la maldekstra verda kampo estis pioĉo, simbolanta Kopytovon. Post la jaro 1945 oni iom post iom ĉesis uziu tiun ĉi blazonon. En la jaro 1967 venkis en publika konkurso propono de nova urba blazono, kiun oni uzas ĝis hodiaŭ.

Romkatolika preĝejo de dia koro de Sinjoro

Menciindaj estas ankoraŭ kelkaj malmultaj konataj interesaĵoj. En la jaro 1887 estis konstruita ponto en Skřečoň, en 1902 estis plilongigita historia ŝtalponteto por piedirantoj super relejo ĝis hodiaŭa Lidická-strato. Ŝosea superveturejo en Bezruč-strato estis solene inaŭgurita la 30-an de aprilo 1964. Plej multe da vendejoj en pasinteco oni trovus en la tiel nomata ora kruco, kreita per Nádražní-placo (hodiaŭa Placo de A. Mickiewicz), el kiu eliris avenuo de 28-a de oktobro (hodiaŭ avenuo de Dr. E. Beneš). El tiu ĉi ĉefa strato deflankiĝis Štefánik-strato (hodiaŭ strato de 9-a de majo), Šnejdarkova-strato (hodiaŭ Studentská) kaj Kostelní-strato (tiu ununura havas sian devenan nomon). Simile tio estas ankaŭ hodiaŭ, kiam al tiu ĉi centro dominas zono por piedirantoj.

Soldata garnizono estis en la urbo establita aŭtune en la jaro 1923 kaj malantaŭ hodiaŭa Parko de Petr Bezruč estis konstruitaj konstruaĵoj plejparte de teretaĝa, baraka tipo. Dum konstruado de fortikaĵsistemo antaŭ la dua mondmilito estis por plifortigo de defendo de la limo konstruita sur rando de la urbo en municipo Šunychl dua kazerno. Komence de la 1950-aj jaroj venis en la kazerno fervoja armeo kaj por la soldatoj estis konstruitaj proporcie sekuraj unuetaĝaj pavilonoj. Lastaj 120 anoj de la fervoja armeo forlasis la bohuminan kazernon la 6-an de aprilo 1994. Historie valora estas ankaŭ ronda remizo en ĉefa stacidomo de České dráhy (Ĉeĥa fervojo) el la jaro 1891, kiu estis ĝis la hodiaŭa aspekto reguligita en la jaro 1984.

En 2006 la urba parto Nový Bohumín havis 14.062 loĝantojn. La plej signifaj entreprenoj sur ties teritorio estas Bochemie, Bonatrans, České dráhy, Železárny a drátovny Bohumín (Ferfabrikoj kaj dratfabrikoj Bohumín) kaj vico da pliaj malpli grandaj entreprenoj, uzinoj, kompanioj kaj entreprenistoj.

Informcentroj por civitanoj kaj venintaj vizitantoj estas kvar - en konstruaĵo de urba biblioteko en Vrchlický-strato, en konstruaĵo de la urba ofico en Masaryk-strato, en vestiblo de la stacidomo de Ĉeĥaj fervojoj kaj en Penziono en turo en Kopernik-strato apud nova akvocentro. La urbo havas tri interkonsentojn pri kunlaborado kun urboj en Pollando. Tio estas Zdzieszowice, Prudnik kaj Gródkow.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	876
1880	1 532
1890	1 441
1900	4 229
1910	6 837
1921	9 607

Jaro	Loĝantoj
1930	10 794
1950	8 392
1961	10 993
1970	12 796
1980	16 687
1991	16 094

Jaro	Loĝantoj
2001	14 438
2011	13 063
2021	12 012