Oliveira do Hospital

Oliveira do Hospital
municipo de Portugalio ; urbo de Portugalio vd
Flago	Blazono
Administrado
Poŝtkodo	3400
En TTT	Oficiala retejo [+]
Demografio
Loĝantaro	20 855 (2011) [+]
Loĝdenso	89 loĝ./km²
Geografio
Geografia situo	40° 22′ N, 7° 52′ U (mapo)40.366666666667-7.8666666666667Koordinatoj: 40° 22′ N, 7° 52′ U (mapo) [+]
Areo	234,52 km² (23 452 ha) [+]
Horzono	UTC±00:00 [+]
	Oliveira do Hospital (Portugalio)
	Situo de Oliveira do Hospital
Alia projekto
	Vikimedia Komunejo Oliveira do Hospital [+]
	v • d • r

Oliveira do Hospital estas portugala urbeto en la distrikto Koimbro, Centra regiono kaj subregiono Região de Coimbra, kun ĉirkaŭ 7 500 enloĝantoj.

Oliveira do Hospital estas sidejo de municipo Oliveira do Hospital kun 234,52 km² kaj 19 331 enloĝantoj (2018), subdividita en dek ses fregezioj. La municipo limas norde kun Nelas, oriente kun Seia, sude kun Arganil, okcidente kun Tábua kaj nordokcidente kun Carregal do Sal. La areo estas trapasata de kelkaj riveroj, kaj ĉefe Alva kaj Alvôco.

La loknomo Oliveira do Hospital signifas Olivarbaron de la Hospitalo alude al la Militordeno de la Hospitalo, kiu posedis la areon en la Mezepoko.

Historio

La areo estis loĝata ekde la prahistorio, kion atestas megalitaj restaĵoj (ĉefe en Bobadela, Ervedal da Beira kaj Seixo da Beira). En la 1970-aj jaroj oni malkovris tion pri kio jam delonge oni suspektis: ankaŭ romianoj koloniigis la zonon, pro kio atestas la romia amfiteatro de Bobadela.

Ankaŭ dum la epoko de Al-Andalus estis loĝado en la municipo, pro kio atestas preĝejo de mozaraboj en Lourosa. La Ordeno de la Hospitalo de Sankta Johano de Jerusalemo, de Rodoso kaj de Malto, aŭ pli simple Ordeno de Malto, havis gravajn posedaĵojn ene de la municipo, kaj tial estas la Kruco de Malto en la municipa blazono, super du branĉetoj de olivarbo kaj inter du vinbergrapoloj.

Submunicipoj

Oliveira do Hospital estas subdividita en la jenaj dek ses fregezioj:

Aldeia das Dez
Alvoco das Várzeas
Avô
Bobadela
Ervedal e Vila Franca da Beira
Lagares da Beira
Lagos da Beira e Lajeosa
Lourosa
Meruge
Nogueira do Cravo
Oliveira do Hospital e São Paio de Gramaços
Penalva de Alva e São Sebastião da Feira
Santa Ovaia e Vila Pouca da Beira
São Gião
Seixo da Beira
Travanca de Lagos

Vidindaĵoj

Sanktejo de Nossa Senhora das Preces
Kastelo de Avô
Pilorioj de Avô, de Bobadela, de Lourosa, de Nogueira do Cravo, de Oliveira do Hospital, de Penalva de Alva kaj de Seixo da Beira
Preĝejo de São Pedro de Lourosa
Domo Casa do Penedo
Kapelo dos Ferreiros, ĉe la preĝejo de Oliveira do Hospital
Preĝejo de São Gião
Konvento de Desagravo do Santíssimo Sacramento
Municipa Muzeo Dro. António Simões Saraiva
Romia Amfiteatro de Bobadela.