Orgriza parulio
 | ||||||||||||||
|---|---|---|---|---|---|---|---|---|---|---|---|---|---|---|
.jpg) Orgriza parulio
| ||||||||||||||
| Biologia klasado | ||||||||||||||
| ||||||||||||||
| Basileuterus fraseri (Sclater, 1884) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Orgriza parulio (Basileuterus fraseri) estas specio de birdo de la familio de Paruliedoj kaj genro de Basileuterus ĉefe reprezentata en Centra kaj Sudameriko, de ĉefe fortikaj parulioj kun fortikaj bekoj kiuj havas olivecajn aŭ grizajn suprajn partojn kaj flavajn subajn partojn. Tiele la nomo de tiu specio ne nur kongruas kun la genro, sed utilus ankaŭ por aliaj specioj samgenraj.
Ĝi troviĝas en Ekvadoro kaj Peruo. Ties natura habitato estas subtropikaj aŭ tropikaj sekaj arbaroj kaj humidaj arbaroj de malaltaj teroj.
Tiu specio estas, kiel ĉe plej parto de la genro kaj kiel la nomo sugestas, tute griza supre kaj tute brile sulfurflava sube el la mentono al la suba ventro. En kapo estas iaj markoj nome blankeca al helgriza strieto kiu komencas super la bekobazo kaj perdiĝas al supra okulo; intermeze ili bordigas tre malhelgrizan al nigrecan kronareon. Tiuj strietoj komencas per blankaj punktoj kio similas al la “larmo” de la proksima genro de la Larmoparulio. La beko estas griza kaj la kruroj helbrunflavecaj.
Aspektoj de la reprodukta biologio de la Orgriza parulio ĵus priskribataj de Miller et al. (2007), baziĝas nur sur ekzemplo de du nestoj.
Unu nesto, ĉe la Rezervejo Jorupe (de la Fundación Jocotoco) de sudokcidenta Ekvadoro, enhavis du bonplumitaj idoj kiam estis malkovrata de la aŭtoroj. Oni observis la plenkreskulojn manĝigantajn la idojn unu post alia per rapida sinsekvo. La nesto, kupola tasformo kun flanka enirejo, estis konstruata en flanko de dekliva ravino kaj ligita sub liano por kunigi la deklivon de la monteto kun la nestopinto. La junuloj, dum elnestiĝo, ekflugis sukcese el la bordo de la nesto kaj malaperis.
La dua nesto estis trovata de la aŭtoroj en la Rezervejo Tumbes, en nordokcidenta Peruo. Kiam estis malkovrata, ĝi enhavis kvar kremokolorajn al blankajn ovojn kun rozoranĝecaj kaj ruĝecbrunaj punktoj koncentritaj je la plej larĝa pinto. Kiel ĉe la unua nesto, tiu dua estis konstruita en deklivo kaj, ĉikaze, enmetita en natura depresio ĉe la bazo de arbo Chrysophyllum.
Post elnestiĝo, la unua nesto estis kolektita kaj zorge dissekcita en komponaj partoj. La nesto estis komponita de du, distingaj tavoloj situaj en la korpo de la nesto. La plej suba parto de la korpo estis forte teksita kaj tre distinga el la aparte interteksita kupolo. Materialoj estis: seka herbo; malhelaj, flekseblaj fibroj; palaj fibroj; kaj skeletigitaj folioj.
Referencoj
[redakti | redakti fonton]- BirdLife International 2004. Basileuterus fraseri Arkivigite je 2007-09-30 per la retarkivo Wayback Machine. 2006 IUCN Ruĝa Listo de Minacataj Specioj. Konsultita la 25an de julio 2007.
- Miller, E.T., H.F. Greeney, K. Zyskowski, & R.A. Gelis. 2007. First description of the nest and eggs of the Gray-and-gold Warbler (Basileuterus fraseri). Ornitologia Neotropical 18:617-622.
| ||||||||||||||||||
