Papervespoj estas vespedaj vespoj kiuj arigas fibrojn el mortinta ligno kaj tigoj, kiujn ili miksas kun salivo kaj uzas por konstrui akvo-rezistajn nestojn fare de griza aŭ bruna papereca materialo. Kelkaj tipoj de papervespoj estas nomitaj ankaŭ ombrelvespoj, pro la distinga desegno de iliaj nestoj.[1]
La nomo "papervespoj" tipe referencas al la membroj de la vespeda subfamilio Polistenoj, kvankam ĝi ofte populare inkludas membrojn de la subfamilioj Vespenoj (vespoj kaj flavveŝtuloj) kaj Stenogastrenoj, kiuj ankaŭ faras nestojn el papero. Dekdu specioj de papervestoj de la genro Polistes estis identigitaj en Nordameriko kaj proksimume 300 specioj estis identigitaj tutmonde. La plej ofta papervespo en Eŭropo estas Polistes dominula.[2] La malnovmonda tribo Ropalidiini enhavas aliajn 300 speciojn, kaj la neotropisaj triboj Epiponini kaj Mischocytarini havas po ĉirkaŭ 250 pliajn, kaj tiele la totala nombro de veraj papervespoj tutmonde estas ĉirkaŭ 1100 specioj, preskaŭ duono el kiuj povas troviĝi en la neotropisoj.