Parlamento de Kazaĥio

Parlamento de Kazaĥio
duĉambra parlamento
Komenco	30-a de januaro 1996
Geografia situo	51° 7′ 39″ N, 71° 26′ 31″ O (mapo)51.1276204134871.441885256738Koordinatoj: 51° 7′ 39″ N, 71° 26′ 31″ O (mapo)
Lando(j)	Kazaĥio ^vd
Sidejo	[[]], Kazaĥio
Situo	Astano
Parlamento de Kazaĥio (Kazaĥio) DEC
Parlamento de Kazaĥio
Partoj Parlamenta Senato de Respubliko Kazaĥio kaj Parlamenta Asembleo de Respubliko Kazaĥio ^vd
Retejo	Oficiala retejo
v • d • r

La Parlamento de Kazaĥio - kazaĥe Қазақстан Парламенті ["Kazaĥstan Parlamenti"], ruse Парламент Казахстана ["Parlament Kazaĥstana"] - estas la ĉefa demokratia politika organo de Kazaĥio, konsistanta el du parlamentaj ĉambroj. La parlamentejo, el du reprezentaj blank-bluaj turdomoj, situas en la nacia ĉefurbo Astano. La suba parlamenta ĉambro nomiĝas Maĵilis: ĝi havas 77 parlamentanojn, elektitaj por periodo de 4 jaroj, el ili 67 elektataj per simpla plimulto en la koncernaj balotodistriktoj, kaj 10 elektataj per proporcia reprezentado laŭ la sumaj naciaj rezultoj de parlamentaj balotoj. La supera ĉambro estas la Senato, kiu havas 47 membrojn, el ili 40 elektataj por daŭro de po ses jaroj - po du el ĉiu kazaĥa regiono kaj el iuj aparte gravaj urbegoj. Duono de la senatanoj estas interŝanĝataj ĉiun trian jaron, tiel ke neniam ĉiuj senatanoj samtempe estas novuloj en sia posteno. Pliaj 7 senatanoj estas persone nomumitaj per la ŝtata prezidanto. Aldone, eks-prezidantoj de Kazaĥio perofice restas dumvivaj senatanoj.

Laŭ la stato de januaro 2007, 10 procentaĵoj de la parlamentaj reprezentuloj estis virinoj, kaj 19 procentaĵoj de la lokaj kaj urbegaj konsilioj estis virinoj. ^[1]

Antaŭa parlamenta organo estis la Supera Soveto de Kazaĥio, kiu - en tute sovetunia nomo - ankoraŭ funkciis ĝis marto 1995. Gvidantoj de la Supera Soveto de Kazaĥio estis

• Bajken Aŝimov ĝis 1990
• Nursultan Nazarbajev 22-a de februaro 1990 ĝis 24-a de aprilo 1990
• Uzakbaj Karamanov 1990 ĝis 1991
• Erik Asanbajev 1991 ĝis 1991
• Serikbolsin Abildin 11-a de decembro 1991 ĝis decembro 1993
• Abiŝ Kekilbajev 1994 ĝis 11-a de marto 1995

Notoj

1. artikolo "Kazakhstan: Presidential adviser spells out advances by women" (anglalingve), en la kanalo Radio Libera Eŭropo

Eksteraj ligiloj

• Kategorio Parlamento de Kazaĥio en la Vikimedia Komunejo (Multrimedaj datumoj)

• oficiala retejo de la parlamento (en la kazaĥa, rusa kaj angla lingvoj)

Ĉi tiu artikolo ankoraŭ estas ĝermo pri Kazaĥio. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).