Pentobarbitalo
| Pentobarbitalo | |||
| Kemia formulo | |||
 | |||
Pentobarbitalo | |||
 | |||
| Alternativa(j) nomo(j) | |||
| CAS-numero-kodo | 76-74-4 | ||
| ChemSpider kodo | 4575 | ||
| PubChem-kodo | 4737 | ||
| Fizikaj proprecoj | |||
| Aspekto | blanka solidaĵo | ||
| Molmaso | 226,2756 g mol−1 | ||
| Denseco | 1,137 g/cm−3[1] | ||
| Fandpunkto | 130°C [2] | ||
| Bolpunkto | 535°C | ||
| Ekflama temperaturo | 129,5°C [3] | ||
| Solvebleco | Akvo:0,679 g/L | ||
| Mortiga dozo (LD50) | 125 mg/kg (buŝe) | ||
| GHS etikedigo de kemiaĵoj | |||
| GHS Damaĝo Piktogramo |
| ||
| GHS Signalvorto | Damaĝa substanco | ||
| GHS Deklaroj pri damaĝoj | H301, H361 | ||
| GHS Deklaroj pri antaŭgardoj | P203, P264, P270, P280, P301+316, P318, P321, P330, P405, P501 | ||
(25 °C kaj 100 kPa) | |||
Pentobarbitalo (antaŭe konata kiel pentobarbitone en Britio kaj Aŭstralio) estas mallongdaŭra barbiturato tipe utiligita kiel sedativo, antaŭanestezilo, kaj por kontroli konvulsiojn en krizoj. Ĝi ankaŭ povas esti uzita por mallongperioda terapio de sendormeco sed estas plejparte anstataŭigita per la benzodiazepina familio de medikamentoj.
En altaj dozoj, pentobarbitalo kaŭzas morton per spira haltigo. Ĝi estas uzata por veterinara eŭtanazio kaj de kelkaj usonaj ŝtatoj kaj la Federacia registaro de Usono por ekzekutoj de kondamnitaj krimuloj per mortiga injekto. En iuj landoj kaj ŝtatoj, ĝi ankaŭ estas uzata por kuracisto-helpa memmortigo.
Pentobarbitalo estis vaste misuzita kaj foje konata kiel "flavaj kovraĵoj" pro la flava kapsulo de la Nembutal-marko. Pentobarbitalo en buŝa formo (pilolo) ne estas komerce havebla.
La barbiturato estis uzita kiam la amerika finjuĝo sekto Heaven's Gate (Pordego de la Infero) faris kolektivan memmortigon la 26-an de marto 1997.
Pentobarbitalo estas sinteze produktita derivaĵo de barbiturata acido kiu ne okazas en naturo kaj povas esti produktita per reakcio de la ureo kun taŭge alkilata duetilmalonato, en tiu kazo duetil 2-etil-2-(1-metil-butil)-malonato:
Uzoj medicinaj
[redakti | redakti fonton]Tipaj aplikoj por pentobarbitalo estas sedativaj, mallongperiodaj hipnotiziloj, antaŭanestezaj, porsendormaj traktadoj, kaj kontrolo de konvulsioj en krizoj. Abbott Pharmaceutical ĉesigis fabrikadon de ilia Nembutal-marko de Pentobarbital-kapsuloj en 1999, plejparte anstataŭigite per la benzodiazepina familio de medikamentoj.
Pentobarbitalo povas redukti intrakranian premon en la sindromo de Reye, trakti traŭmatan cerbolezon kaj indukti komaton en cerbaj iskemiaj pacientoj. Pentobarbital-induktita komato estis rekomendita en pacientoj kun akuta hepata nesufiĉeco nerezista al manitolo.
Pentobarbitalo ankaŭ estas uzata kiel veterinara anestezilo.
Eŭtanazio
[redakti | redakti fonton]Pentobarbitalo povas kaŭzi morton kiam uzata en altaj dozoj. Ĝi estas uzata por eŭtanazio por homoj kaj bestoj. Ĝi estas prenita sole, aŭ en kombinaĵo kun komplementaj agentoj kiel fenitoino, en injekteblaj solvaĵoj komerce disponeblaj por bestaj eŭtanazioj.
Natria pentobarbitalo (CAS No. 57-33-0)
[redakti | redakti fonton]En Nederlando, pentobarbitalo estas parto de la norma protokolo por kuracisto-helpa memmortigo por mem-administrado de la paciento. Ĝi estas donita en likva formo, en solvo de sukersiropo kaj alkoholo, enhavanta 9 gramojn da pentobarbitalo. Ĉi tio estas antaŭita de antiemetiko por malhelpi vomadon.
Ĝi estas buŝe prenita por kuracisto-asista morto en la usonaj ŝtatoj de Oregono, Vaŝingtono, Vermonto, kaj Kalifornio (ĝis januaro 2016). La buŝa dozo de pentobarbitalo indikita por kuracisto-helpa memmortigo en Oregono estas tipe 10 g da likva substanco.
En Svislando, natria pentobarbitalo estas administrita al la paciento intravejne. Post kiam administrite, dormo estas induktita ene de 30 sekundoj, kaj la koro ĉesas bati ene de 3 minutoj. Buŝa administrado ankaŭ estas uzata. Svisa apotekisto raportis en 2022, ke la dozo por helpa memmortigo estis altigita al 15 gramoj ĉar kun pli malaltaj dozoj morto estis antaŭita de komato de 10 horoj en iuj kazoj.
Ekzekuto
[redakti | redakti fonton]Pentobarbitalo estis uzita aŭ konsiderita anstataŭaĵon por la barbiturato tiopentalo uzita por mortpuno per mortiga injekto en Usono kiam tiu medikamento iĝis neatingebla. En 2011 la usona fabrikisto de natria tiopentalo ĉesis produktadon, kaj importo de la drogo pruvis neebla. Pentobarbitalo estis uzita en usona ekzekuto por la unua fojo en decembro 2010 en Oklahomo, kiel parto de tri-droga protokolo. En marto 2011 pentobarbitalo estis uzita por la unua fojo kiel la sola medikamento en usona ekzekuto, en Ohio. Ekde tiam pluraj ŝtatoj same kiel la federacia registaro uzis pentobarbitalon por mortigaj injektoj; iuj uzas tri-drogajn protokolojn kaj aliaj uzas pentobarbitalon sole.
Pentobarbitalo estas produktita de la dana firmao Lundbeck. Uzo de la drogo por ekzekutoj estas kontraŭleĝa laŭ dana juro, kaj kiam tio estis malkovrita, post publikaj protestoj en danaj amaskomunikiloj, Lundbeck ĉesis vendi ĝin al usonaj ŝtatoj kiuj trudas mortopunon kaj malpermesis usonajn distribuistojn vendi ĝin al iuj klientoj, kiel ekzemple ŝtataj aŭtoritatoj, kiuj praktikas aŭ partoprenas ekzekutojn de homoj.
Teksaso komencis uzi la unu-medikamentan pentobarbital-protokolon por ekzekutado de mortpunaj prizonuloj la 18-an de julio 2012, pro manko de pankuronia bromido, muskola paralizulo antaŭe utiligita kiel unu komponento de tri-droga koktelo. En oktobro 2013, Misurio ŝanĝis sian protokolon por permesi ke pentobarbitalo de manipulada apoteko estu uzita en mortiga dozo por ekzekutoj. Ĝi unue estis uzita en novembro 2013.
Laŭ artikolo de la organizacio ProPublica de decembro 2020, antaŭ 2017 la Federacia Oficejo de Malliberejoj (BOP), en diskuto kun tiama ŝtat-akuzanto "Jeff Sessions", komencis serĉi provizantojn de pentobarbitalo por esti uzataj en mortigaj injektoj. La BOP estis konscia ke la uzo de pentobarbitalo kiel ilia "nova drogelekto" estus defiita en la tribunaloj ĉar kelkaj advokatoj diris ke "pentobarbitalo inundus la pulmojn de kaptitoj per tiom da ŝaŭmo, kaŭzante doloron kaj teruron similan al morto per dronado." BOP asertis ke tiuj maltrankvilaĵoj estis nepravigeblaj kaj ke iliaj du fakuloj asertis ke la uzo de pentobarbitalo estis "homa". La 25-an de julio 2019, usona ĝenerala prokuroro William Barr ordonis al la federacia registaro rekomenci mortpunon post 16 jaroj. La federacia protokolo provizas intravejnan administradon de du dozoj da 2.5 gramoj da natria pentobarbitalo.