Pléboulle

Pléboulle / Pleboull
komunumo
komunumo en Francio ^vd
Administrado
Regiono	Bretonio
Departemento	Côtes-d'Armor
Arondismento	Dinan
Kantono	Matignon (ĉefurbo)
Komunumaro	Lando de Matignon
INSEE kodo	22174 [+]
Poŝtkodo	22550
Demografio
Loĝantaro	716  (2022) [+]
Loĝdenso	51 loĝ./km²
Geografio
Geografia situo	48° 37′ N, 2° 20′ U (mapo)48.608611111111-2.3383333333333Koordinatoj: 48° 37′ N, 2° 20′ U (mapo) [+]
Alto	30 m [+]
Areo	14,1 km² (1 410 ha) [+]
Horzono	UTC+01:00 [+]
Pléboulle / Pleboull (Côtes-d'Armor) DEC Situo de Pléboulle / Pleboull
Pléboulle / Pleboull (Francio) DEC Situo de Pléboulle / Pleboull
Alia projekto
Vikimedia Komunejo Pléboulle [+]
v • d • r

Pléboulle (jen france, prononco [ple:BUL], bretone Pleboull) estas komunumo de Francio. Ĝi situas en la departemento Côtes-d'Armor (jen france, bretone Aodoù-an-Arvor), “marbordoj de la lando ĉe la maro”, en la regiono Bretonio (france Bretagne, bretone Breizh). Fine de 2022 en la komunumo vivis 716 loĝantoj.

Geografio

Pléboulle marborde situas inter Matignon kaj kabo Fréhel.

Historio

La vilaĝo estas trairata de gaŭla-romia vojo, eĉ eble pli malnova. Templanoj tie ekrezidis, konstruanta preĝejon. En subvilaĝo Montbran ili starigis turon en la 12-a jc, por prigardi la enirejon de la duonisulo de kabo Fréhel, kaj kreis la Foiron de Sainte-Croix, pli konata per la nomo Foire de Montbran, kiu okazis ekde tiu epoko septembremeze kaj daŭris dum deko da tajoj. Nuntempe tiu foiro ankoraŭ okazas, sed pli kaj pli aspektas kiel foira festo, la unuan semajnfinon de septembro.

Administrado

Listo de la sinsekvaj urbestroj
Periodo		Nomo	Partio	Funkcio
marte 2001	2008	Robert Guelfucci	Diversa maldekstro (DVG)
marte 2008		Adeline Guelfucci[1]	Diversa maldekstro (DVG)	Emeritino
La tabelo estas ankoraŭ plenigenda.

Lokoj kaj monumentoj

• Turo de Montbran, starigita en la 12-a jc de la templanoj, estas valora restaĵo de mezepoka arkitekturo. Neniu signo, neniu dokumento, neniu esplorita ĉarto mencias proksimuman starigdaton. Privata posedaĵo en 1780, la turo estis tute forlasita de pluraj jarcentoj. Turo de Montbran estas starigita sur roka sprono. Ĝia favora situo certigas nekaŝeblan vidon al la malnova romia vojo kaj ties pasejon trans rivero Frémur. Starigita laŭ neregula oklatera plano, ties escepta malofteco donas al ĝi grandan valoron. La oklatera plano de la konstruaĵo, malgraŭ ties neregulaj lateroj, perfekte integriĝas en kvadraton, kiun arkeologoj nomas per ortograma plano. Ĉiu angulo de la oklatero apogas sin sur rokaj elstaraĵoj. La turo estas registrita kiel Monumento Historia^[2] de 1994.

• Kapelo Notre-Dame du Temple, en Montbran : konstruita en ĉ. 1160, ĝi nomiĝis Templo de Sainte-Croix, kaj foiro Sainte-Croix. Ĝi estis modifita de Du Guesclin, senjoro de la lokoj kaj de Plancoët en la 15-a jc, kiu metigis sian blazonon super la pordo^[3] kaj ma foiro okazis proksime en septembro^[4].

Interne estas statuoj: unu Virgulino kun infano el plurkolora ligno de la 16-a jc kaj Kristo el ligno de la 17-a jc. Estas ankaŭ vitraleto, kun malnovaj fragmentoj, montranta simbolojn de tri evangeliistoj.

• Kalvario de la tombejo de Kapelo N-D du Temple. La sendata kruco staras sur senbranĉigita fusto datiĝanta de la 17-a jc ornamita per kapoj de mortintoj ĉe anguloj kaj flanke de tibioj.

• Preĝejo Saint-Paul de Pléboulle , romanika kaj praromanika preĝejo. La navo enhavas ses arkadojn laŭ arkaika stilo de la 9-a kaj 11-a jc. Interne estas:
  • Sanktakva kuvo el granita porta de kvar personoj.
  • Retablo el skulptita ligno datiĝanta de la 17-a jc: la reprezento de sankta Paŭlo kaj sankta Johano la Baptisto ŝuldiĝas al skulptisto Yves Corlay (1700-1776), skulptaĵoj faritaj inter 1730 kaj 1740.
  • Kristo el ligno (sendata)
  • Pentraĵo Sankta Anna infano

• Kruco de la preĝejo , ombre de taksusoj apud la preĝejo, unuŝtona kruco el ŝtono de Erquy, ĝi altas tri metrojn kun sekcio de 22 cm per 15 cm. Estas nek soklo nek dato.

Fotaro

• 
  Turo de Montbran
• 
  Turo de Montbran

Vidu ankaŭ

• Komunumoj de Côtes-d'Armor

Eksteraj ligiloj

• Kategorio Pléboulle en la Vikimedia Komunejo (Multrimedaj datumoj)

• Pléboulle sur retpaĝo de Nacia Geografia Instituto

Bibliografio

• Henri Delcroix, La Tour de Montbran, Éditions Orphie, 2005.

Referencoj

1. Temas pri la edzino de la antaŭa urbestro. Fonto : Ouest-France, 3-an de aprilo 2008
2. Slipo n°PA00132548. datumbazo Mérimée, franca ministerio pri kulturo.
3. Didier Veillon, La Montbran n'existe plus. en la libro "Le Pays de Dinan", 1993, p. 9-14. (Memoraĵo pri tiu foiro)
4. Henri Delcroix, La chapelle Notre-Dame du Temple à Montbran, en "Le Pays de Dinan", 1996, p. 357-363.

Portalo pri Francio