Prameny
| Prameny | |||
| germane Sangerberg | |||
| municipo | |||
.JPG) Eksa urbodomo n-ro 23
| |||
|
|||
| Oficiala nomo: Prameny | |||
| Ŝtato |  Ĉeĥio
| ||
|---|---|---|---|
| Regiono | Regiono Karlovy Vary | ||
| Distrikto | Distrikto Cheb | ||
| Administra municipo | Mariánské Lázně | ||
| Historiaj regionoj | Bohemio, Sudetio | ||
| Montaro | Slavkova arbaro | ||
| Situo | Prameny | ||
| - alteco | 725 m s. m. | ||
| - koordinatoj | 50° 03′ 00″ N 12° 43′ 58″ O / 50.05000 °N, 12.73278 °O (mapo) | ||
| Katastro | 24,61 km² (2 461 ha) Prameny | ||
| Loĝantaro | 109 (2024) | ||
| Denseco | 4,43 loĝ./km² | ||
| Unua skribmencio | 1357 | ||
| Horzono | MET (UTC+1) | ||
| - somera tempo | MET (UTC+2) | ||
| Poŝtkodo | 353 01 | ||
| NUTS 3 | CZ041 | ||
| NUTS 4 | CZ0411 | ||
| NUTS 5 | CZ0411 539538 | ||
| Katastraj teritorioj | 1 | ||
| Partoj de municipo | 1 | ||
| Bazaj setlejunuoj | 1 | ||
  Situo enkadre de Ĉeĥio
| |||
 | |||
 Vikimedia Komunejo: Prameny
| |||
| Retpaĝo: www.pramenyobec.cz | |||
 Portalo pri Ĉeĥio
| |||
Prameny (germane Sangerberg) estas municipo en Ĉeĥio, kiu troviĝas en distrikto Cheb, en Regiono Karlovy Vary. La municipo havas montaran karakteron kaj ĝi situas en suda parto de Slavkova arbaro. Vivas ĉi tie 109 loĝantoj (2024).
La najbaraj municipoj de la setlejo estas Mnichov, Mariánské Lázně, Lázně Kynžvart, Nová Ves kaj Rovná.
Historio
[redakti | redakti fonton]La unua skribmencio pri la municipo devenas el la jaro 1357.
Banloka urbo
[redakti | redakti fonton]Jam ekde la 16-a jarcento homoj eluzis mineralajn fontojn, kiuj en la ĉirkaŭaĵo abunde elfontas. En la jaro 1870 estis en sudokcidenta flanko (direkte al Kladská) fondita malgranda banloko, kio estis verŝajne kaŭzo de denova avanco de la municipo je urbo la 30-an de aprilo 1873. Estis por ĝi subkaptitaj fontoj Giselin, Rudolfo kaj Vincento.[1] Sed la evoluo de urbo poste haltis kaj la nombro de loĝantoj sinkis el 2415 en la jaro 1872 ĝis la jaro 1921 al 1381. Sed en la ĉefan fonton (de Rudolfo aŭ de Julius) fine de la unua mondmilito enpenetris en la banloka parto la supraĵa akvo kaj tiel ĝi estis malvalorigita. Sed la fonto estis sekve purigita kaj poste denove konvena al la uzado.
Post ellandigo de germanoj
[redakti | redakti fonton]Post la dua mondmilito okazis ellandigo de la devena germana loĝantaro. La municipon oni ne sukcesis ĝisloĝigi kaj en Prameny estis lokigita komandantejo de nove establita Armea ekzercspaco Prameny, en la jaro 1947 alilokigita ĝis Lázně Kynžvart. La teritorio estis konsisto de la armea ekzercspaco ĝis la jaro 1954.[2][3] Inter la jaroj 1954–1958 estis en la municipo ministoj de minejoj de Jáchymov, laborantaj en la proksimaj uraniaj minejoj. En la jaroj 1946–1958 ĉi tie estis detruitaj 256 domoj (265 domoj), la preĝejo estis pro malbona teknika stato detruita en la jaro 1958, detruitaj estis ankaŭ 11 kapeloj. El 274 domoj en la jaro 1930 restis ĝis la jaro 1950 nuraj 27, sed inter la konservitaj estis ankaŭ la urbodomo. Konserviĝis ankaŭ statuo de sankta Johano Nepomuka el la jaro 1855.
Loĝantaro
[redakti | redakti fonton]| Jaro | Loĝantoj |
|---|---|
| 1869 | 2 335 |
| 1880 | 2 415 |
| 1890 | 2 161 |
| 1900 | 1 947 |
| 1910 | 1 784 |
| 1921 | 1 381 |
| Jaro | Loĝantoj |
|---|---|
| 1930 | 1 527 |
| 1950 | 300 |
| 1961 | 181 |
| 1970 | 271 |
| 1980 | 232 |
| 1991 | 135 |
| Jaro | Loĝantoj |
|---|---|
| 2001 | 144 |
| 2011 | 109 |
| 2014 | 118 |
| 2016 | 117 |
| 2017 | 109 |
| 2018 | 102 |
| Jaro | Loĝantoj |
|---|---|
| 2019 | 106 |
| 2020 | 106 |
| 2021 | 92 |
| 2022 | 106 |
| 2023 | 127 |
| 2024 | 109 |
Memorindaĵoj
[redakti | redakti fonton]En la municipo estas nenia enskribita kultura memorindaĵo
- Urbodomo el la jaro 1870
- En la jaro 2012 estis nove reguligitaj kaj alirebligitaj fontoj de fonto de Rudolfo kaj fonto de Gisela en la eksa banloa parko.
- Okcidente de la municipo situas sur deklivo restaĵoj de kapelo Virgulino Maria, al kiu kondukas el la municipo krucvojo
Pereintaj memorindaĵoj
[redakti | redakti fonton]- Preĝejo de sankta Linharto troviĝis meze de la placo, sudoriente de la urbodomo.
- Banloko Prameny sudokcidente de la municipo estis konstruita en svisa stilo en la jaro 1872. Post la unua mondmilito la banloka domo estis vendita al firmao Julius Meinl, pli poste proprumis ĝin kompanio Porcelán Karlovy Vary kaj ĝi uzis ĝin kiel resanigejon por siaj okupitoj. Post la jaro 1945 estis en la konstruaĵo establita pulma sanatorio, pli poste hejmo por emerituloj, en la jaro 1983 la objekto forbrulis, post malsukcesa provo pri rekonstruo ĝi estis en la jaro 2000 detruita.
- Oriente de la municipo apud vojo en la najbaran municipon Mnichov estadis tombejo, nuligita post la jaro 1945.
Pluaj fotoj
[redakti | redakti fonton]-
Domo n-ro 29 norde en la municipo -
La orienta ŝildo de domo n-ro 15 -
Statuo de sankta Johano Nepomuka
.JPG)
.JPG)
Eksteraj ligiloj
[redakti | redakti fonton]- Prameny (Sangerberg), web Zaniklé obce.cz, Dieter Pohl 28. 3. 2007, Jan Kruliš 1. 4. 2007, Zdeněk Pechar 28. 11. 2008
Referencoj
[redakti | redakti fonton]- ↑ Prameny (Sangerberg) - doplnění historie, Zdeněk Pechar, výtah z archivů, 28. 11. 2008
- ↑ Tomíček, Rudolf. (2006) Historie Vojenského újezdu Prameny. Sokolov: Krajské museum Sokolov. ISBN 80-86630-09-9.
- ↑ Jaša, Luděk. Prameny po roce 1945. Alirita 2020-01-02.