Proença-a-Nova

Proença-a-Nova
urbo de Portugalo (1242 (Gregoria)–); municipo de Portugalio vd
Flago	Blazono
Administrado
Poŝtkodo	6150
En TTT	Oficiala retejo [+]
Demografio
Loĝantaro	8 314 (2011) [+]
Loĝdenso	21 loĝ./km²
Geografio
Geografia situo	39° 45′ N, 7° 55′ U (mapo)39.75-7.9166666666667Koordinatoj: 39° 45′ N, 7° 55′ U (mapo) [+]
Areo	395,4 km² (39 540 ha) [+]
Horzono	UTC±00:00 [+]
	Proença-a-Nova (Portugalio)
	Situo de Proença-a-Nova
Alia projekto
	Vikimedia Komunejo Proença-a-Nova [+]
	v • d • r

Proença-a-Nova estas portugala urbo de la Centra regiono, subregiono Pinhal Interior Sul kaj de la distrikto Castelo Branco kun ĉirkaŭ 8 000 loĝantoj.

La urbo Proença-a-Nova estas sidejo de la municipo Proença-a-Nova, kun 395,40 km² de areo kaj 7 167 loĝantoj (2021), subdividita en kvar freguesias. La municipa teritorio limas norde kun la municipo Oleiros, nordoriente kun Castelo Branco, oriente kun Vila Velha de Ródão, sudokcidente kun Mação kaj nordokcidente kun Sertã.

Historio

Vere grava estis en tiu municipo la romianoj, altiritaj per la minerala kaj agrikultura riĉeco de la regiono, tuj konstatis la strategian kaj ekonomian gravon de tiu teritorio trapasata de vojoj. Tiukadre konstruiĝis ponto en São Pedro do Esteval. Iam la nomo de la setlejo estis Cortiçada (Korkejo, rilate al abundaj korkokverkoj kaj al la abelujoj fabrikitaj ĉefe el tiu materialo. En la 16-a jarcento oni ŝanĝis la nomon al Proença, kio rezultis en fojaj spekulativoj ĉu tio rilatas al alveno de francoj el Provença (Provenco), sen konvinkaj dokumentaj pruvoj.

Ĉefa dekomenca enspezofonto estis brutobredado, dum ankaŭ oni praktikis agrikulturon en malaltaj teroj kaj ĉasado. En 1244, la superulo de la Ordeno de Hospitalo, nome monaĥo Rodrigo Egídio, donis al Proença-a-Nova ĝian unuan foruon. Alternativa versio indikas foruon havigitan de Alfonso la 3-a en 1242, konfuzoj rilataj al ŝanĝoj de loknomoj. Ĉiuokaze Manuelo la 1-a reformis ĉiujn foruojn, pere de la nomita Foral Novo al Proença-a-Nova en 1512, sed tiam nomita Vila Melhorada.

El la Priorado do Crato, apartenanta al la Hospitalanoj, en 1789 la areo pasis al la senjorlando Casa do Infantado, kio daŭris ĝis 1834. Meze de la 19-a jarcento okazis diversaj ŝanĝoj en la konstituoj de la municipo kaj de la submunicipoj de Proença-a-Nova. En 1867 okazis nova reformo, sed kiu estis malakceptita; dum novaj reformoj okazis en 1896 kaj 1898.

En 1807, kadre de la Milito de Hispana Sendependiĝo, francaj trupoj, estritaj de Louis Henri Loison, survoje al Abrantes trapsis la municipon okazigante damaĝojn. En 1828, lokanoj helpis insurekcion de soldatoj de absolutisma armeo survoje kontraŭ Koimbro kaj aliĝis al liberalismo. En 1879 oni konstruis ŝoseon.