Programstruktur-diagramo

Ekzemplo de PSD

Programstruktur-diagramo estas prepara skemotekniko por programado de komputiloj. La diagramo ankaŭ estas nomata Nassi-Shneiderman-diagramo aŭ PSD.

Ĝi ekestis en 1972 kaj estis por la unuafoje priskribita en 1973 fare de Isaac Nassi kaj Ben Shneiderman^[1][2]. Programstruktur-diagramo konsistas el:

• Ortanguloj
• Trianguloj
• Teksto

Bazostrukturoj

Ekzistas nur tri bazostrukturoj. Se oni kombinas ilin en la ĝusta maniero, oni povas priskribi ĉiun arbitran komputilprogramon. La bazostrukturoj estas:

Sekvenco

Ĉiu paŝo de la algoritmo sekvas unu post la alia.

Anweisung

Iteracio

Iteracio aŭ ripeto estas la strukturo en kiu la ago estas ripetata ĝis kiam la ripetkondiĉo ne plu ekzistas.

Selekto

Selekto-strukturoj ankaŭ nomiĝas elektoj. Depende de iu kondiĉo la vojo de la programo estas difinata.

Selekto

Referencoj

1. Shneiderman, Ben: "A short history of structured flowcharts (Nassi-Shneiderman Diagrams)", ontwerpversie 27 mei 2003.
2. Nassi, I.; Shneiderman, B.: "Flowchart techniques for structured programming", SIGPLAN Notices XII, August 1973.

Vidu ankaŭ

• Fludiagramo

• Kategorio Programstruktur-diagramo en la Vikimedia Komunejo (Multrimedaj datumoj)