Reichenau - prononco [RAJhenaŭ], signifo "riĉa herbejo" aŭ "herbejo de riĉuloj" - estas pitoreska insulo ene de la Konstanca Lago kaj konsistigas komunumon en Germanio. Ĝi troviĝas en la distrikto Konstanz, en la Regiono Alta Rejno-Konstanca Lago kaj en la distriktaro Freiburg de la federacia lando Baden-Virtembergo. Fine de decembro 2022 la komunumo havis 5401 loĝantojn.
Ekde la jaro 2000 la insulo kaj sur ĝi la historia benediktana monaĥejo Reichenau estas listigataj kiel monda kultura heredaĵo de UNESKO. Ĝi estis fondita per sankta Pirmino ĉirkaŭ 724.
la insulo vidate de la svisa bordo de la Konstanca Lago
la preĝejo Sankta Georgo de la historia monaĥejo sur la insulo
