STS ''Dar Młodzieży''

STS Dar Młodzieży – trimasta pola lerneja velŝipo, de Mara Akademio en Gdynia, sekvanto de STS "Lvovo" kaj SV "Dar Pomorza".

Historio

Post diskutado fine de la 70-aj jaroj oni interkonsentis, ke por la Pola Komerca Ŝiparo estus bezona nova velŝipo por lernejaj celoj. Oficialan apelacion por kolekti monon junie 1978 komencis la junularo de Gdańsk. Komandanto de "Dar Pomorza" Tadeusz Olechnowicz promociis la ideon en la lando kaj eksterlande kolektante fremdan monon kaj donacofertojn. Aparte fruktodonaj estis vizitoj de "Dar Pomorza" en la usonaj havenoj Filadelfio kaj Savannah kaj en Stokholmo en 1979.

Ĉefa konstruisto iĝis inĝeniero Zygmunt Choreń. Per konsiloj helpis al li spertaj kapitanoj de "Dar Pomorza" Tadeusz Olechnowicz kaj Kazimierz Jurkiewicz. Disputoj sub la slogano "hamakoj aŭ kuŝejoj" longe daŭris, favore al la dua propono. La velŝipo estis konstruita en la ŝipfarejo en Gdańsk en 1981, parte de sociaj kotizoj. Solena hiso de la ŝipflago okazis la 4-an de julio 1982.

En 2018 STS Dar Młodzieży elnavigis ĉirkaŭ la mondo kun preskaŭ 1000 junuloj kun promocio de Pollando okaze de la 100-jariĝo de la pola sendependeco por viziti 22 havenojn en 18 landoj de 5 kontinentoj, kaj atingi januare 2019 la Mondan Junularan Tagon en Panamo

Marveturo de Sendependeco

Havenoj

Gdynia, Pollando 20-a de majo 2018
Talino, Estonio 24-26.05
Kopenhago, Danio 30.05-1.06
Stavanger, Norvegio 4-6.06
Szczecin, Pollando 10-14.06 Tagoj de Maro
Bremerhaven, Germanio 19-21.06
Bordeaux, Francio 27-29.06
Tenerifo, Hispanio 10-12.07
Dakaro, Senegalo 18-20.07
Kaburbo, Sud-Afriko 15-17.08
Maŭricio 4-6.09
Ĝakarto, Indonezio 2-5.10
Singapuro Singapur 9-12.10
Ŝanhajo, Ĉina Popola Respubliko 2-5.11
Osako, Japanio 13-16.11
San-Francisko, Usono 20-22.12
Los-Anĝeleso, Usono 25-28.12
Acapulco, Meksiko 9-11.01 2019
Panamurbo, Panamo 22-28.01 Monda Junulara Tago 2019
Miami, Usono 8-11.02
Ponta Delgada, Portugalio 4-6.03
Londono, Britio 18-20.03
Gdynia, Pollando 28-a de marto

Eksteraj ligiloj

STS ''Dar Młodzieży'' en la Vikimedia Komunejo (Multrimedaj datumoj)
Kategorio STS ''Dar Młodzieży'' en la Vikimedia Komunejo (Multrimedaj datumoj)

Dar Młodzieży Arkivigite je 2018-05-26 per la retarkivo Wayback Machine interreta paĝo de Mara Akademio en Gdynia
Fotoj^{[rompita ligilo]}