Sabugal

Sabugal
municipo de Portugalio ; urbo de Portugalio vd
Flago	Blazono
Administrado
Poŝtkodo	6320
En TTT	Oficiala retejo [+]
Demografio
Loĝantaro	12 544 (2011) [+]
Loĝdenso	15 loĝ./km²
Geografio
Geografia situo	40° 21′ N, 7° 5′ U (mapo)40.35-7.0833333333333Koordinatoj: 40° 21′ N, 7° 5′ U (mapo) [+]
Alto	773 m [+]
Areo	822,7 km² (82 270 ha) [+]
Horzono	UTC±00:00 [+]
	Sabugal (Portugalio)
	Situo de Sabugal
Alia projekto
	Vikimedia Komunejo Sabugal [+]
	v • d • r

Por samtitola artikolo vidu la paĝon Sabugal (stacidomo).

Sabugal estas portugala urbo kiu apartenas al la distrikto Guarda, al la Centra regiono kaj al la subregiono Beira Interior Norte, kun ĉirkaŭ 2 800 loĝantoj. Ĝi estis altigita al kategorio de cidade (urbo) en 9a de Decembro 2004.

Sabugal estas sidejo de municipo kun 826,70 km² kaj 12 544 loĝantoj (2011) kaj estas dividita en 30 fregeziojn. La municipa teritorio limas norde kun Almeida, oriente kun Hispanio, sude kun Penamacor, sudokcidente kun Fundão, okcidente kun Belmonte kaj nordokcidente kun Guarda. Ĝi estas en la zono nomita Terras de Riba-Côa, same kiel Pinhel, Almeida, Mêda kaj Figueira de Castelo Rodrigo.

Historio

Ŝajne kie nun estas la kastelo en prahistoria epoko estis jam kastrumo, de kie poste oni kontrolis la romiajn vojojn kaj la transiradon de la rivero. De epokoj de ĝermanoj kaj islamanoj ne restis klaraj restaĵoj. En 1190, Alfonso la 9-a de Leono kreis la municipon Sabugal, kaj la urbo mem estis fondita ĉirkaŭ 1224, kiam oni ekkonstruis defendajn fortikaĵojn. La teritorion de Ribacôa estis konkerita el Leono fare de Denizo la 1-a (1279-1325), kiu donis foruon en 1296. La definitiva posedo por Portugalio okazis nur per la Traktato de Alcañices en 1297. Tiam oni plifortigis la limon, ĉefe per rekonstruoj de la kasteloj de Alfaiates, Almeida, Castelo Bom, Castelo Melhor, Castelo Mendo, Castelo Rodrigo, Pinhel, Sabugal kaj Vilar Maior.

Ankoraŭ dum la milito kontraŭ francoj la kastelo estis uzita de brit-portugaloj, kaj post la perdo de defendaj celoj, ĝi ruiniĝis, pro kio necesis postaj rekonstruoj.

La loĝantaro atingis pinton de pli ol 43 000 en 1950-aj jaroj, sed poste pro elmigrado oni malaltiĝis ĝis nunaj 12 000 loĝantoj; tio estas oni perdis pli ol du trionojn.

Submunicipoj

Sabugal havas la jenajn fregeziojn:

Águas Belas
Aldeia da Ponte
Aldeia da Ribeira, Vilar Maior e Badamalos
Aldeia do Bispo
Aldeia Velha
Alfaiates
Baraçal
Bendada
Bismula
Casteleiro
Cerdeira
Foios
Lajeosa e Forcalhos
Malcata
Nave
Pousafoles do Bispo, Pena Lobo e Lomba
Quadrazais
Quintas de São Bartolomeu
Rapoula do Côa
Rebolosa
Rendo
Ruvina, Ruivós e Vale das Éguas
Sabugal e Aldeia de Santo António
Santo Estêvão e Moita
Seixo do Côa e Vale Longo
Sortelha
Souto
Vale de Espinho
Vila Boa
Vila do Touro

Vidindaĵoj

Pilorio kaj Muzeo de Sabugal
Kastelo kaj murego de Sabugal
Termas do Cró
Sortelha (historia domaro, pilorio kaj kastelo)
Kastelo de Vilar Maior
Preĝejo de Vilar Maior
Pilorioj de Vilar Maior, de Alfaiates kaj de Vila do Touro
Ruinoj de la preĝejo de Nossa Senhora do Castelo, Vilar Maior
Romia ponto super la rivero Cesarão, Vilar Maior
Krucmonumento kaj ponto de Aldeia da Ponte
Konvento de Sacraparte, Kapelo de Santa Casa da Misericórdia, Pilorio, Krucmonumento de Sacraparte kaj Kastelo de Alfaiates
Ponto de Sequeiros en Vale Longo.
Preĝejo de Santa Petro, mezepoka ponto super la rivero Cesarão, pilorio kaj kastelo de Vilar Maior (kun la preĝejo de Santa Maria do Castelo)