Stolany

Koordinatoj: 49° 55′ 40″ N 15° 44′ 43″ O / 49.92778 °N, 15.74528 °O / 49.92778; 15.74528 (mapo)

Stolany
municipo
Preĝejo de sankta Mikolao
Flago Blazono
Oficiala nomo: Stolany
Ŝtato	Ĉeĥio
Regiono	Regiono Pardubice
Distrikto	Distrikto Chrudim
Administra municipo	Chrudim
Historia regiono	Bohemio
Montaro	Svitava montetaro
Situo	Stolany
- alteco	288 m s. m.
- koordinatoj	49° 55′ 40″ N 15° 44′ 43″ O / 49.92778 °N, 15.74528 °O / 49.92778; 15.74528 (mapo)
Katastro	5,47 km² (547 ha) Stolany
Loĝantaro	408 (2024)
Denseco	74,59 loĝ./km²
Unua skribmencio	1229
Horzono	MET (UTC+1)
- somera tempo	MET (UTC+2)
Poŝtkodo	538 03
NUTS 3	CZ053
NUTS 4	CZ0531
NUTS 5	CZ0531 547891
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Stolany
Retpaĝo: www.stolany.cz
Portalo pri Ĉeĥio

Municipo Stolany situas en Ĉeĥio, regiono Pardubice, distrikto Chrudim, en milde ondoforma pejzaĝo sub montetaro Železné hory, sub monteto Dubinec, ĉe Stolanský rivereto, 5 km sudokcidente de la urbo Chrudim. Vivas ĉi tie 408 loĝantoj (2024).

La najbaraj municipoj de la setlejo estas Mladoňovice, Rabštejnská Lhota, Sobětuchy, Morašice kaj Lány.

Historio

La unua skriba mencio pri la vilaĝo el la jaro 1229 troviĝas en akto de la reĝo Přemysl Otakar la 1-a, en kiu li atestas, ke li vilaĝon Stolany kun apartenaĵo dediĉas al benediktana monaĥejo de Opatovice.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	410
1880	439
1890	445
1900	409
1910	424
1921	465

Jaro	Loĝantoj
1930	398
1950	361
1961	355
1970	311
1980	293
1991	348

Jaro	Loĝantoj
2001	372
2011	365
2014	369
2016	372
2017	381
2018	384

Jaro	Loĝantoj
2019	391
2020	399
2021	364
2022	396
2023	389
2024	408

Memorindaĵoj

Preĝejo

Preĝejo de Sankta Nikolao, origine romanika, en la 14-a jarcento rekonstruita en gotika stilo kaj en la jaro 1795 denove en baroka stilo. Ĝi estas ununava kun vasta trilatera presbiterejo apogata per pilieroj, kun barele volbita sakristio sur norda flanko kaj turo antaŭ la okcidenta frontalo. Masiva prisma turo estas kronita per ŝtona piramido kun krenelaĵo kaj kvar figuraj gargojloj en ĝiaj anguloj. En muroj de la turo estas enmasonitaj kelkaj artefaktoj el arka kornico de antaŭa romanika preĝejo. La presbiterejo estas platplafona, sur ĝia norda flanko estas malfrugotika riĉe ornamita sankta ŝranko. La navo havas platan plafonon, la subturejo barelan volbon. Ekipaĵo estas baroka el tempo ĉirkaŭ la jaro 1700, la ĉefaltaro estas kolona kun bildo de Sankta Nikolao, la predikejon dekoras ornamaj reliefoj. En antaŭĉambro estas origina sabloŝtona baptujo. Blazona tomboŝtono estas el la jaro 1549. Ĉirkaŭ la preĝejo estas tombejo protektata per fosaĵo kaj restoj de remparo.

Fortikaĵeto

Fortikaĵeto, konstruita post la jaro 1577 de Václav Ples Heřmanský el Sloupno troviĝas nun en areo de mastruma korto. En barilmuro estas malfrurenesanca pordego ornamita per bosaĵo, kadrita per toskanaj pilastroj kaj trilatera frontono kun familiaraj blazonoj. En apuda domo estas la ĉambroj kruce volbitaj.

Bibliografio

• Marek Podhorský: Pardubický kraj. Eldonis freytag & berndt, eldonejo en Prago en j. 2004.
• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Eksteraj ligiloj

• Oficialaj paĝoj de la vilaĝo ĉeĥe Arkivigite je 2010-08-29 per la retarkivo Wayback Machine
• Paĝaro de mikroregiono Chrudim ĉeĥe
• Paĝaro de mikroregiono Západně od Chrudimi ĉeĥe
• Mapo