Svahiloj (svahileWaswahili) estas etna grupo kaj kulturo situanta sur orienta marbordo de Afriko, ĉefe en la marbordaj regionoj kaj insuloj de Kenjo, Tanzanio kaj norda Mozambiko. Laŭ JoshuaProject, la nombro da svahiloj estas 1 328 000.[1] La nombro da homoj, kiuj parolas la svahilan lingvon, tamen estas ĉirkaŭ 90 milionoj.
La religio de ĉi tiu etno estas islamo kaj la plej multe parolataj lingvoj estas, krom la samnoma lingvo, la portugala, la angla kaj la franca. Etnoj rilatigitaj estas la Kikujoj, Makondoj kaj Ŝirazoj.[2]
La vorto svahiloj devenas de la angla vorto swahili, kaj tiu de la araba sawāḥil, pluralo de sāḥil, "marbordo", kiu aplikiĝis al la loĝantoj de la marbordoj kun kiuj komercis la arabaj maristoj.
Vidu ankaŭ: Svahila lingvo
_(14596273527).jpg)
