Sátão

Sátão
urbo de Portugalo (1111 (Gregoria)–); municipo de Portugalio vd
Flago	Blazono
Administrado
Poŝtkodo	3560
En TTT	Oficiala retejo [+]
Demografio
Loĝantaro	12 444 (2011) [+]
Loĝdenso	62 loĝ./km²
Geografio
Geografia situo	40° 44′ N, 7° 43′ U (mapo)40.733333333333-7.7166666666667Koordinatoj: 40° 44′ N, 7° 43′ U (mapo) [+]
Areo	202 km² (20 200 ha) [+]
Horzono	UTC±00:00 [+]
	Sátão (Portugalio)
	Situo de Sátão
Alia projekto
	Vikimedia Komunejo Sátão [+]
	v • d • r

Sátão estas urbo de Portugalio, situanta en la oriento de la Distrikto Viseu, Centra regiono kaj la subregiono Viseu Dão-Lafões. Ĝi havas ĉirkaŭ 4 000 loĝantojn (2021).

Ĝi estas sidejo de la municipo Sátão, kiu havas totalan areon de 201,94 km², kaj 11 030 loĝantojn (2021), subdividita en naŭ fregezioj. La municipa teritorio limas norde kun Moimenta da Beira kaj Sernancelhe, oriente kun Aguiar da Beira, sude kun Penalva do Castelo, okcidente kun Viseu kaj nordokcidente kun Vila Nova de Paiva. La teritorio estas trapasata de la rivero Vouga, dum la sidejo estas sude de la rivero kaj inter la urboj Penalva do Castelo sude kaj Vila Nova de Paiva norde, dum la ŝoseo 229 ligas kun Viseu sudokcidente.

Historio

Prahistorian loĝadon atestas monumentaj megalitoj troviĝantaj en la municipo. El la romia epoko estas disaj restaĵoj. Elstaras la arkitekturo de la 17-a kaj 18-a jarcentoj, videbla ĉefe en la senjordomegoj.

La areo de Sátão estis konkerita el islamanoj inter 1058 kaj 1064, kiuj estis respektive, la jaroj de la konkeroj de Viseu kaj de Koimbro. Post la fondo de la Reĝlando Portugalio (en 1143), ekis administracia organizado, per kreado de municipoj.

Sátão ricevis foruon en 1111, kio faras la urbeton unu el la plej antikvaj municipoj en Portugalio laŭ tiu foruo havigita de Dom Henrique kaj Dona Teresa de Leono, kvankam tiam ĝi estis literumita Zalatane.

En la unua duono de la 20-a jarcento la loĝantaro estis stabila kaj atingis eĉ preskaŭ 17 000 loĝantojn en 1950, sed poste malpliiĝis pro elmigrado ĝis nunaj 11 000 loĝantoj.

Submunicipoj

Sátão havas la jenajn fregeziojn:

Águas Boas e Forles
Avelal
Ferreira de Aves
Mioma
Rio de Moinhos
Romãs, Decermilo e Vila Longa
São Miguel de Vila Boa
Sátão
Silvã de Cima

Vidindaĵoj

En pluraj loĝlokoj estas interesaj preĝejoj kaj kapeloj, kun gravaj pentraĵoj kaj valoraj liturgiaj juveloj; krome estas ankaŭ nobelaj domegoj ĉefe el la 18a jarcento.

Blazondomego, nuna municipa biblioteko de Sátão (en la tabelbildo)
Kastelo de Ferreira de Aves aŭ Turo de Ferreira de Aves
Pilorioj de Ladário; de Castelo en Ferreira de Aves; de Casal do Meio; de Douro Calvo en Romãs; de Silvã de Cima
Dolmeno de Cas-Freires en Ferreira de Aves
Preĝejo de Santo André en Ferreira de Aves
Sanktejo de la Konvento do Senhor Santo Cristo da Fraga en Ferreira de Aves
Blazondomego Solar dos Olivas aŭ Casa Grande de Casfreires en Ferreira de Aves
Iama urbodomo de Rio de Moinhos
Sanktejo de Nossa Senhora da Esperança, kaj palaco Paço dos Bandeira en São Miguel de Vila Boa
Preĝejo de la iama Konvento de Nossa Senhora da Oliva en Sátão

Bildoj

Pilorio de Ladário.
Pilorio de Ladário.
Pilorio de Castelo en Ferreira de Aves.
Romanika pordo de la Preĝejo de Santo André en Ferreira de Aves.
Pilorio de Casal do Meio.
Pilorio de Douro Calvo en Romãs.
Pilorio de Silvã de Cima.
Iama urbodomo de Rio de Moinhos.
Blazondomego Solar de la Vicgrafoj de Banho aŭ Casa do Terreiro kaj domo de la familio Aguiar.
Preĝejo de la iama Konvento de Nossa Senhora da Oliva en Tojal, Sátão.
Preĝejo de Águas Boas.
Ferreira de Aves.
Preĝejo de Mioma.
Rio de Moinhos.
Preĝejo de Vila Longa.
Urbodomo de Sátão.
Preĝejo de Silvã de Cima.