TRS-80

TRS-80
modelo de komputilo vd
Dum nekonata - nekonata/nuntempe
Sekvanto TRS-80 Model III
v • d • r

TRS-80 Micro Computer System aŭ TRS-80, poste renomita kiel Modelo I por distingi ĝin de siaj posteuloj, estas surtabla mikrokomputilo lanĉita en 1977 kaj vendata de Tandy Corporation en iliaj Radio Shack-vendejoj. La nomo estas mallongigo de Tandy Radio Shack, Z80 [mikroprocesoro].[1] Ĝi estas unu el la plej fruaj amase produktitaj kaj amase merkataj hejmaj komputiloj.[2]

Ampleksa linio de ĝisdatigaĵoj kaj flankaj aparatoj por la TRS-80 estis evoluigita kaj merkata de Tandy/Radio Shack. La baza sistemo povas esti pligrandigita ĝis 48 kilobitokoj de ĉefmemoro (laŭ tranĉoj de 16 KB) kaj ĝis kvar disketiloj. Tandy/Radio Shack provizis kompletajn servojn de subteno, inkluzive de ĝisdatigo, riparo, kaj trejnado en siaj plurmiloj de vendejoj tutmonde.

En 1979, la TRS-80 havis la plej grandan selekton de programaro en la mikrokomputila merkato.[3] Ĝis 1982, la TRS-80 estis la plej vendata linio de personaj komputiloj, vendante kvinoble pli ol la Apple II laŭ unu recenzo.[1]

La amplekse kongrua TRS-80 Modelo III estis publikigita meze de la jaro 1980. La Modelo I estis nuligita baldaŭ poste, ĉefe pro pli striktaj reguloj de la Federacia Komisiono pri Komunikado (FCC) pri elektromagneta interfero kun proksimaj elektronikaj aparatoj.[4] En aprilo 1983, la Modelo III estis sukcedita de la kongrua TRS-80 Modelo 4.

Sekvante la originan Modelon I kaj ĝiajn kongruajn posteulojn, la nomo TRS-80 fariĝis ĝenerala varmarko uzata de Tandy por aliaj neparencaj komputiloj, inkluzive de la nova, kolorekrana TRS-80 Color Computer aŭ "CoCo".

Referencoj

[redakti | redakti fonton]
  1. ↑ 1,0 1,1 McCracken, Harry (2012-08-03). "Please Don't Call It Trash-80: A 35th Anniversary Salute to Radio Shack's TRS-80". Time.
  2. ↑ Mooallem, Jon (2010-04-19). "The Lost Tribes of RadioShack: Tinkerers Search for New Spiritual Home". Wired.
  3. ↑ Welch, David and Theresa. (2007) Priming the Pump: How TRS-80 Enthusiasts Helped Spark the PC Revolution. Ferndale, Michigan: The Seeker Books. ISBN 978-0-9793468-0-4. Arkivigite je 2019-09-25 per la retarkivo Wayback Machine
  4. ↑ Radio Shack TRS-80 Micro Computer System. oldcomputer.org. Alirita 2010-05-03 .