Telefaso

Telefaso
rolulo de helena mitologio
Informoj
Sekso	ina
Edzo/Edzino	Agenoro
Infanoj	Eŭropa • Kilikso • Kadmo • Phoenix • Fineo • Taso
v • d • r

Laŭ la helena mitologio, Telefaso (el la greka Τηλέφασσα «brila el distanco») estis la edzino de la reĝo Agenoro de Tiro (Fenicio), ĉefo de la homaro, etimologie^[1]. Ŝia nomo, same kiel Telefo^[2], estis epiteto de la Luno, ofte anstataŭita per Argiopo («blank-vizaĵulino»), alia nomo de la edzino de Agenoro^[3].

Forrabo de Eŭropo, laŭ Nöel-Nicolas Coypel (1726-26). Telefaso akompanis sian filon Kadmo serĉi Eŭropon, kaj mortis dume en Trakio.

Laŭ kelkaj versioj ŝi estis filino de Nilo (dio de la samnoma rivero) kaj Nefelo, nimfo de la suplaj nuboj, do oni konsideras Telefason unu el la najadoj. Ŝi naskis multnombran idaron, personigo de la disvastigo de la fenica popolo tra la Mediteraneo^[1]: Eŭropo, Kilikso, Kadmo, Taso (eponimo de insulo proksima al Samotrako kaj Fenikso. Ŝia edzo estis Agenoro, aŭ Fenikso laŭ la Iliado, kiu emfazigas la rilaton inter la filoj de Telefaso kaj ilia fenica deveno.

Partneroj kaj idaro
Agenoro[4] aŭ Fenikso[5]
Elektro Eŭropo Fenikso Fineo	Kadmo Kilikso Taso

La dia reĝo Zeŭso forrabis Eŭropon kaj portis ŝin al Kreto, kie ŝi naskis la estontajn reĝojn de la insulo. Sciante nenion, Agenoro ordonis siajn filojn serĉi ŝin, kaj ne reveni hejmen sensukcese. Telefaso akompanis sian filon Kadmo tiucele, unue al la insulo Rodiso, kie ili starigis templon kaj kultadon al dio Pozidono. De tie li vojaĝis al Tero, kie ili agis same, kaj finfine ili atingis Trakion, ricevante gastimeman bonvenon fare de la edonia popolo. Tie Telefaso mortis pro subita malsano, tuj post naski sian lastan filon, Fineo^[4].

Post entombigi sian patrinon, Kadmo obeis la konsilon de la trakianoj kaj demandis al Orakolo de Delfo, kiu ordonis lin sekvi bovinon kaj fondi urbon en la loko kie ĝi ripozu. Tiu urbo poste nomiĝis Tebo. Kilikso, rezignis pri daŭre serĉadi Eŭropon, kaj instaliĝis en Malgrand-Azio, kie fondis novan regnon: Kilikio.

Multaj fakuloj konsideras ke tiuj mitaj rakontoj atentigas pri la rilato inter Fenicio kaj Antikva Grekio, malfacila tasko por arkeologio kaj historio.

Genealogio

Argolanda genealogio laŭ la Helena mitologio

Urano   Geo                                                                                                       Krono   Reo   Oceano   Tetiso                                                                       Memfiso     Libio   Pozidono       Nilo   Inaĥo   Melio                                                                                                                                   Belo   Agenoro       Telefaso     Foroneo   Io   Zeŭso                                                                                                                                           Kadmo   Kilikso   Eŭropo   Fenikso   Aĥiroo       Epafo                                                                                                                                       Harmonio     Danao   Egipto                                   Polidoro                                                                             Agavo     Hipermnestro   Linkeo                                       Aŭtonoo                                                                           Ino         Abaso                                       Semelo                                                                                       Akrisio                                                                                                                                         Danao   Zeŭso                                                                                                               Perseo

Referencoj

1. ↑ Karl Kerényi. The Heroes of the Greeks, 27. 1959).
2. Nomo de la edzino de Agenoro laŭ la skolio pri Ion de Eŭripido, 5.
3. Ĝi ankaŭ nomigis aliajn mitajn rolulinojn, sed ĉiam kun tiu signifo.
4. ↑ Apolodoro. Mitologia biblioteko, 3.1.1.
5. Homero. Iliado.

Ŝablono:Argive genealogy in Greek mythology