The Boston News-Letter (Bostona Novaĵletero), unuafoje publikigita en Bostono la 24an de aprilo, 1704, estas konsiderata kiel la unua kontinue publikigita gazeto en Brita Nordameriko. Ĝi estis forte subvenciita de la Britia registaro, kun limigita cirkulado. Ĉiuj ekzempleroj estis aprobitaj de la guberniestro.[1] Tamen la unua gazeto de la kolonioj estis Publick Occurrences Both Forreign and Domestick, sed kiu publikigis sian unuan kaj nur nuran numeron la 25an de septembro, 1690. En 1718, sekvis la Weekly Jamaica Courant[2] en Kingstono. En 1726 la Boston Gazette ekpublikiĝis kun Bartholomew Green, Jr., kiel presisto.