Tibor Harsányi
| Tibor Harsányi | |
|---|---|
| Persona informo | |
| Naskonomo | Hesser Tibor |
| Naskiĝo | la 27-an de junio 1898 en  Magyarkanizsa (Hungara reĝlando, Aŭstrio-Hungario)
|
| Morto | la 19-an de septembro 1954 en  Parizo (Francio)
|
| Lingvoj | franca • hungara |
| Ŝtataneco | Francio 
|
| Okupo | |
| Okupo | dirigento pianisto komponisto filmkomponisto
|
Tibor Harsányi [harŝAnji], laŭ hungarlingve kutima nomordo Harsányi Tibor estis hungardevena franca komponisto. Lia origina familia nomo estis Hesser.
Tibor Harsányi [1] naskiĝis la 27-an de junio 1898 en Magyarkanizsa (Hungara reĝlando, Aŭstrio-Hungario, nuntempa Kanjiĵa en Serbio), li mortis la 19-an de septembro 1954 en Parizo.
Biografio
[redakti | redakti fonton]Tibor Harsányi akiris diplomon en Tutlanda Hungara Muzikarta Altlernejo. Liaj ĉefinstruisto estis Zoltán Kodály. Post siaj studoj li turneis kiel pianisto en Eŭropo, en 1920 li ekloĝis en Nederlando, fine post 3 jaroj en Parizo. Li aliĝis al elita grupo de elmigrintaj komponistoj, inkluzive de Bohuslav Martinů, en:Marcel Mihalovici, en:Conrad Beck, de:Alexandre Tansman, fr:Alexandre Tcherepnine. Li dediĉis sin al komponado, sed kelkfoje li dirigentadis. La melodia materialo de lia muziko devenis de la hungaraj popolkantoj, liaj ritmoj estis akraj, ofte kun ĵaza sinkopeco, sed la formo restis klasika.
Elektitaj komponaĵoj
[redakti | redakti fonton]- Az Utolsó Álom (baleto, Budapeŝto, 1920)
- Les Invités (opero, Gera, 1930)
- Pantins (baleto, Parizo, 1938)
- Chota Roustaveli (baleto, kunverkinto, Monte Carlo, 1945)
- Illusion (radio-opero (Parizo, 1949)
- L’Amour et la vie (baleto, 1951)
- pluraj kantatoj, suitoj, uverturoj, konĉertoj kaj similaj
Elektitaj komponaĵoj por filmoj
[redakti | redakti fonton]- Le petit roi (1933)
- Miarka, la fille à l'ourse (1937)
- Au coeur de l'orage (1948)