Tormón

Tormón
municipality of Aragon (en) vd
Administrado
Poŝtkodo	44134
Demografio
Loĝantaro	33 (2023) [+]
Loĝdenso	1 loĝ./km²
Geografio
Geografia situo	40° 12′ N, 1° 21′ U (mapo)40.2025382-1.3535945Koordinatoj: 40° 12′ N, 1° 21′ U (mapo) [+]
Alto	1 851 m [+]
Areo	29,344742 km² ( 293 4.4 742 ha) [+]
Horzono	UTC+01:00 [+]
	Tormón (Provinco Teruelo)
	Situo de Tormón
	Tormón (Hispanio)
	Situo de Tormón
Alia projekto
	Vikimedia Komunejo Tormón [+]
	v • d • r

Tormón [torMON] estas vilaĝo kaj municipo de la provinco Teruelo (nordorienta Hispanio), nome en la suda komarko Komunumo de Teruelo, kies komarka ĉefurbo estas la provinca ĉefurbo mem, Teruelo. La loknomo Tormón estas derivita el loka termino "tormo" referenca al izola rokmonteto, sur kiu estis kastelo.

Geografio

Ĝi estas je 38 km de Teruelo, provinca ĉefurbo. Tormón apartenas al grupo de kvar municipoj kiuj okupas sudokcidentan terlangon de la komarko: nome Tormón plej norde, Alobras meze kaj Veguillas de la Sierra kaj El Cuervo plej sude jam lime kun Rincón de Ademuz, eksklavo de la provinco Valencio. Krome okcidente estas limo kun la provinco Kvenko. Veturado al Teruelo eblas nur farante du ĉirkaŭojn unuan dekstren kaj duan maldekstren por alveni ĝis Gea de Albarracín.

La loĝloko staras je 1051 m super marnivelo sur montaro, kio ebligas arbarojn de pinoj, kverkoj kaj juniperoj.

Historio

La zono venis al posedo de kristanoj post la venko de Alfonso la 1-a la Batalema en la batalo de Cutanda. Sed eble la kristanoj perdis ĝin dum la krizo kiu sekvis la morton de Alfonso la 1-a. Nur dum la regado de Alfonso la 2-a de Aragono estis klara dominado fare de kristanoj. En la Mezepoko estis kastelo, de kiu restas nur minimumaj restaĵoj.

Aktualo

Bazo de ekonomio estis agrikulturo (cerealoj), forstado kaj brutobredado. Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj tiukadre ankaŭ en Tormón oni malaltiĝis ĝis nunaj 25 loĝantoj.

Vidindaĵoj estas la preĝejo kun mudeĥara sonorilturo, la ermitejo de Sankta Kristoforo, kaj la restaĵoj de la kastelo sur izola rokmonteto. Tamen estas multaj aliaj lokaj interesaĵoj, kiel la Forsta Domo en la arbaro, planita nun por montara gastejo, komuna bakforno, ferfandejoj, lavejo, muelejoj, naturaj lokoj kiel geologia loko Cabezo de Tormón, montopadoj ĉe Estrechos del Ebrón, fontoj, pinaroj, terasoj, forlasitaj meandroj, grotoj, rokpentraĵoj de Neolitiko ktp.

Vidu ankaŭ

Municipoj de la provinco Teruelo

Bildoj

Panoramo.
Bovo en rokpentraĵo.
Strata angulo.
Komuna bakforno.
Interno de la komuna bakforno.
Bestotrinkujo.
Popola arkitekturo.

Notoj

Eksteraj ligiloj

Bibliotekoj

PeEnEo: 797949