Tuberbegonio

Kiel legi la taksonomion tubera begonio
Biologia klasado
Regno: Plantoj Plantae Divizio: Angiospermoj Magnoliophyta Klaso: dukotiledonuloj dicotyledones Ordo: Kukurbaloj Cucurbitales Familio: Begoniacoj Begoniaceae Genro: Begonio’’ Begonia Specio: tuberhibrida begonio
Dunomo
Begonia × tuberhybrida VOSS
Aliaj Vikimediaj projektoj
Sistematiko en Vikispecioj
Komunejo pri tubera begonio
v • d • r

Begonia tuberhybrida pendula

Tuberbegonio, tuberhibrida begonio (Begonia × tuberhybrida) (Sinonimoj: Begonia tuberosa hort., B. gigantea, B. multiflora und B. grandiflora, Begonia-Tuberhybrida) apartenas al la familio de la Begoniacoj (Begoniaceae).^[1]

Tuberbegonioj preferas duonombrajn ĝis ombrajn kreskejojn kaj ili ofte estas uzataj kiel bedo- kaj balkon-plantoj.

Priskribo

Ili estas multjaraj herbaj plantoj, kun tuberoj kiel rezervargano. Hortikulture ili ofte estas kultivataj kiel unujara planto. Oni povas ankaŭ aĉeti de kelkaj kulturvarioj tuberojn. La planto ne estas frostrezista. La folioj estas nesimetriaj kiel la aliaj specioj de la familio. La unuseksaj, grandaj floroj estas plej ofte plenaj, sed ankaŭ ekzistas neplenaj kultivaroj. La koloroj de florfolioj varias inter blanka, flava, oranĝa, rosea kaj ruĝa; blua mankas.

Kulturo

Unu gramo da semoj entenas ĉirkaŭ 45.000 ĝis 60.000 semerojn. Elsemtempo estas komence ĝis fine de decembro por ricevi floron en majo.

Ĉe temperaturo de 23 °C okazas la ĝermado ene de du ĝis tri semajnoj. La etetaj semeroj estas lumĝeruloj kaj bezonas altan aerhumidecon. Tuj post la ekĝermo de la semeroj oni povas malaltigi la temperaturon al 20 ĝis 21 °C. Oni devas protekti la ĝermplantojn kontra forta sunbrilo.

Por kreskado kaj florinduktado tuberbegonioj bezonas longtago-kondiĉojn. Se la taglongo estas sub la kritika taglongeco de 12 horoj la planto perdas la foliojn kaj forma tuberon. Por bone kreski necesas taglongon de 14 horojn.^[2]

Grupoj de kultivaroj (selekto)

• 'Non-Stop' estas F1-hibridoj
• 'Royal Picotee' estas F1-hibridoj
• 'Illumination'
• 'Ornament'
• 'Panorama'
• 'Pin-Up'
• 'Multiflora'

Bildoj

• 
  ĉe tiu rosekolora kultivaro la masklaj floroj estas plenaj kaj la inaj neplenaj.
• 
  blanka hibrido: montras la dorsflankon de floroj: maldekstre ina floro kun hipogina karpelo kaj maska floro dekstre.

Eksteraj ligiloj

• Tuberbegonio en la Vikimedia Komunejo (Multrimedaj datumoj)
• Kategorio Tuberbegonio en la Vikimedia Komunejo (Multrimedaj datumoj)
• Tuberbegonio en Vikispecioj (Kolekto pri ĉiuj vivantaj estuloj)

Referencoj

1. Tuberbegonio en Germplasm Resources Information Network (GRIN), Agrikultura ministerio de Usono (USDA), Agrikultura esplora servo (ARS), National Genetic Resources Program. National Germplasm Resources Laboratory, Beltsville, Marilando.
2. Kulturbericht.. Arkivita el la originalo je 2008-05-29. Alirita 2016-01-24 .