Universitato de Rod-Insulo
La Universitato de Rod-Insulo (angle University of Rhode Island; akronime : URI) estas publika esploruniversitato kies ĉefa kampuso situas en Kingston, Rod-Insulo, Usono. Ĝi estas la gvida universitato kaj en la ŝtato de Rod-Insulo, same kiel tiu klasifikita kiel instituto de altnivela instruado establita sur publika tereno posedata de la usona federacia registaro por la avantaĝo de Rod-Insulo [1]. Satelitkampusoj inkluzivas la kampuson Feinstein en la ĉefurbo Providence, la centro "Rhode Island Nursing Education Center" en la Jewelry District de Providence, la kampuson "Narragansett Bay" en Narragansett, kaj la kampuson "W. Elton Jones" en Okcidenta Greenwich.
La universitato ofertas bakalaŭrojn, universitat-akredititajn gradojn kaj doktorecojn en 80 bakalaŭraj kaj 49 postbakalaŭraj studkampoj tra naŭ akademiaj lernejoj kaj altlernejoj. Tiuj lernejoj kaj altlernejoj inkludas artojn kaj sciencojn, komercan administradon, metian edukon kaj studojn, inĝenierarton, sansciencojn, medisciencojn kaj vivsciencojn, flegado, farmacio kaj oceanografion. Alia kolegio de la universitato, "University College for Academic Success", funkcias plejparte kiel konsila kolegio por ĉiuj studentoj komencantaj tra la universitato kaj sekvas ilin dum la unuaj du jaroj da ilia rekrutado ĉe la Universitato de Rod-Insulo. Aktuale en 2019, la Universitato de Rod-Insulo havas rekrutadon de 14,653 bakalaŭraj studentoj, 1,982 gradstudantoj, kaj 1,339 ne-gradaj studentoj, igante ĝin la plej granda universitato en Rod-Insulo [2][3].
La Universitato de Rod-Insulo unue estis anoncita kiel la ŝtata "Agrikultura Lernejo kaj Agrikultura Eksperimentstacio" en 1888 [4]. La lernejo unue funkciis ĉe la Oliver Watson Farm en Kingston, kies origina loĝdomo nun estas modesta muzeo. En 1892, la lernejo iĝis konata kiel la Rod-Insula Kolegio de Agrikulturo kaj Mechanic Arts. Ekzistis nur 17 studentoj en la unua klaso, kaj ĉiu el ili kompletigis siajn studojn ene de du jaroj. En 1909, la nomo de la lernejo denove estis ŝanĝita al "Rhode Island State College", kiam la programoj de studo en la lernejo estis vastigitaj preter agrikulturo. En 1951, la lernejo ricevis sian nunan nomon, pro akto de la ŝatleĝdonado, realigita sekvante la aldonon de la Postgimnazio de Artoj kaj Sciencoj kaj la oferto de doktoraj gradoj. La Estraro de Regantoj por Alteduko, nomumita fare de la Guberniestro de Rod-Insulo, iĝis la Estraro de direktoroj de la universitato dum 1981 sub la universitata kanceliero de Frank Newman. La Estraro de Guberniestro estis anstataŭigita per la Estraro de Edukado de Rod-Insulo en 2013, kaj aktuale en 2019 ĝi havas 17 membrojn [5].
En 2013 la fakultato adoptis malferman-alirecan politikon por fari ties esploradon publike alireblan enrete [6].
Referencoj
[redakti | redakti fonton]- ↑ Carnegie Classifications Institution Lookup. Center for Postsecondary Education. Arkivita el la originalo je 2021-09-23. Alirita 13 September 2020 .
- ↑ Facts.
- ↑ The Integrated Postsecondary Education Data System (IPEDS). U.S. Department of Education National Center for Education Statistics. Alirita 2017-08-30 .
- ↑ Rice, M.A., S. Rodrigues and K. Venturini Philosophical & Institutional Innovations of Kenyon Leech Butterfield and the Rhode Island Contributions to the Development of Land Grant and Sea Grant Extension. Century Beyond the Campus: Past, Present, and Future of Extension A Research Symposium to Mark the 100th Anniversary of the Smith-Lever Act September 24–25, 2014, West Virginia University. Waterfront Place Hotel, Morgantown, West Virginia, USA. Sep. 2014.. Alirita April 11, 2017 .
- ↑ Associated Press, , "New RI Board of Ed meets for first time", March 11, 2013. Arkivigite je 2013-08-18 per Archive.today
- ↑ (December 15, 2014) “University of Rhode Island”, ROARMAP: Registry of Open Access Repository Mandates and Policies. Alirita July 24, 2018..