Veraval

Veraval
urbo ^vd
Administrado
Poŝtkodo	362265
Demografio
Loĝantaro	153 696  (2011) [+]
Geografio
Geografia situo	20° 54′ N, 70° 22′ O (mapo)20.970.37Koordinatoj: 20° 54′ N, 70° 22′ O (mapo) [+]
Alto	0 m [+]
Horzono	UTC+05:30 [+]
Veraval (Guĝarato) DEC Situo de Veraval
Veraval (Barato) DEC Situo de Veraval
Alia projekto
Vikimedia Komunejo Veraval [+]
v • d • r

Veraval laŭ guĝarata lingvo વેરાવળ, laŭ hindia lingvo वेरावल estas urbego, municipo kaj mara havenurbo en okcidenta Barato, en subŝtato Guĝarato, en distrikto de Somnath, kie ĝi estas sidejo. La urbego havas eksteran parton Somnath.

Fiŝkaptista haveno

Demografio

Veraval havis populacion de 185 797 en 2021 kun legoscio de 62%, iomete pli alta, ol la landa mezumo.

Geografio

Veraval situas laŭ Araba Maro sur la marborda ebenaĵo en suda parto de duoninsulo Katiavaro nur 5 metrojn super la marnivelo. Somnath troviĝas nur 6, iama portugala kolonio Diu 68, Ĝunagad 69, alia havenurbo Porbandar 113, Amreli 118, Raĝkot 160, Bhavnagar 208, Surat 258, Navsari 265, Vapi 270, iama subŝtata ĉefurbo Ahmedabado 327, Mumbajo 335, tutlanda ĉefurbo Delhio 1102, Kolkato 1867 kilometrojn (aere) [1].

Strandaj promenantoj

Historio

Veraval estis fondita en 13-a aŭ 14-a jarcentoj. Iam oni konstruis fortikaĵon ĉe la haveno fare de reĝa familio el Ĝunagad. La haveno longe estis la plej grava havenurbo por la pilgrimantoj al Mekko. Nun ĝi estas nur fiŝkapta haveno, tamen unu el la plej granda en la lando. Marveturaĵoj kaj lignaj fiŝkaptistaj boatoj daŭre estas konstruitaj fare de la fiŝkaptistoj sen uzo de iu ajn moderna teknologio. Dum naskiĝo de Barato en 1947 la loĝantoj voĉdone decidis aparteni al Barato, poste multe da homoj formigris al la alia nova najbara ŝtato Pakistano.

Ekonomio

La mara fiŝkapto kaj boatkonstruado ĉiam estis la ĉefindustrio en Veraval. Nature ekzistas ankaŭ prilaborado de fiŝoj, krome ankaŭ aliaj industriaĵoj funkcias pri kemiaĵoj, fadenoj kaj cementoj.

Lingvoj

En Veraval la oficialaj lingvoj estas la guĝarata kaj la hindia.

Religioj

En Veraval plejparto de la populacio estas hinduoj (ĉirkaŭ 68%), krome muslimoj (iom pli, ol 30%), iomete aliaj religioj.

Klimato

Veraval situas en varma duonarida klimato (laŭ klimata klasifiko de Köppen: BSh. Ĝenerale pluvas inter junio kaj septembro pro la musonoj, en la ceteraj monatoj apenaŭ aŭ neniam pluvas. Jare averaĝe pluvas po 805 mm. La temperaturo varias averaĝe inter 21-32 °C.

Eduko

Menciindas la sanskrita universitato.

Industriaĵo

Trafiko

Al Veraval alvenas fervoja linio el Ĝunagad kaj pluiras al Somnath, kie la linio finiĝas. 3 vojoj alvenas al la havenurbo. La plej proksima flughaveno troviĝas en Diu kaj Raĝkot.

Vidindaĵoj

• pluraj preĝejoj, plej ofte hinduaj
• somera reĝa palaco (nun konvertita en kolegion)
• ruinoj de la fortikaĵo
• pordego

Fontoj

• WikiTrans