Vila do Conde

Ĝemelurboj
	Mindelo (en) ; Portalegre ; Mansôa (en) ; Le Cannet ; Ferrol ; Olinda ; Lobata (en) vd

Vila do Conde
municipo de Portugalio ; urbo de Portugalio vd
Flago	Blazono
Administrado
Ĝemelurboj
	Mindelo (en) ; Portalegre ; Mansôa (en) ; Le Cannet ; Ferrol ; Olinda ; Lobata (en) vd
Poŝtkodo	4480
En TTT	Oficiala retejo [+]
Demografio
Loĝantaro	79 533 (2011) [+]
Loĝdenso	534 loĝ./km²
Geografio
Geografia situo	41° 21′ N, 8° 45′ U (mapo)41.35-8.75Koordinatoj: 41° 21′ N, 8° 45′ U (mapo) [+]
Areo	149 km² (14 900 ha) [+]
Horzono	Okcidenteŭropa Tempo [+]
	Vila do Conde (Portugalio)
	Situo de Vila do Conde
Alia projekto
	Vikimedia Komunejo Vila do Conde [+]
	v • d • r

Vila do Conde estas portugala urbo de 30 000 loĝantoj (2021) situanta en la subregiono Metropola Areo de Porto, apartenanta al la Norda regiono kaj al la distrikto Porto.

Ĝi estas la sidejo de la municipo Vila do Conde, kiu havas totalan areon de 149,03 km², 80 921 loĝantojn en 2021 kaj loĝdenson de 543 loĝantoj por km², subdividita en 21 fregezioj. La municipo estas limigita en la nordo fare de la municipo Póvoa de Varzim, oriente kun Vila Nova de Famalicão kaj Trofa, sude kun Maia kaj Matosinhos kaj okcidente kun Atlantiko.

Sur la norda bordo de la enfluejo de la riveo Ave, Vila do Conde estas grava industria centro, fiŝkaptista haveno kaj zono por banado kaj turismo. La urbo formas parton de sama urba aglomeraĵo kiel Póvoa de Varzim (nome Conurbação Póvoa de Varzim e Vila do Conde).

Historio

Pluras atestoj de loĝado el prahistorio, en unu el la plej antikvaj setlejoj en norda Portugalio. Oni trovis geologiajn objektojn el Paleolitiko en lokoj de Modivas, Malta, kaj Labruge datitaj el 100 000 ĝis 15 000 jaroj. En aliaj lokoj estis malkovroj de aferoj kaj muldiloj el la Bronzepoko kaj Neolitiko indikante periodon de transiro inter civilizoj de forĝado kaj de malnomadigo. Estis kastrumoj kaj akvobaraĵoj de romia epoko.

La loĝloko Vila do Conde estas tre antikva, kaj ĝia loknomo ne ŝanĝiĝis, ĝi estis jam Vila do Conde (Urbo de la Grafo, eble alude al grafoj venitaj de Galegio kaj Asturio por la konkero kontraŭ islamaanoj). La unua referenco al Vila do Conde estas de 953 en la libro de la grafino Mumadona Dias kie ĝi aperas kiel Villa de Comite.

D. Sanĉo la 1-a enamiĝis de D. Maria Pais kio rezultis en la fakto ke la urbeto ekestis posedata de tiu. Ŝia posteulino, Dona Teresa Martins kaj ŝia edzo Afonso Sanches, ekstergeedza filo de D. Denizo la 1-a, fondis la Reĝan Monaĥejon de Santa Klara, en 1318, kiu estis instalaĵo de franciskanoj.

D. Manuelo la 1-a donis foruon en 1516 kaj la loĝantaro de la urbeto partoprenis aktive en la Portugalaj malkovroj, inter kiuj elstaris Paulo kaj Francisco Faria en la vojaĝo de Vasco da Gama al Hindio. Dum la 16-a jarcento la urbeto pintis en sia komerca kaj marnaviga gravo pro ŝipkonstruado. Multaj el historiaj konstruaĵoj, kiel la haveno kaj la doganejo, kongruis kun la komerca disvolviĝo de la 16-a jarcento. La vizito de la reĝo Manuelo la 1-a tra Vila do Conde, dum pilgrimado al Santiago de Compostela, en 1502, helpis la disvolvigon de kelkaj el la gravaj infrastrukturoj en la urbo: nome preĝejo, Praça Nova (nova placo) kaj municipaj konstruaĵoj, kun novaj vojoj. La Praça Nova, nuntempa Praça Vasco da Gama, estis konstruita en 1538, en la regado de D. Johano la 3-a, kie oni konstruis la novan urbodomon.

En la 19-a jarcento la Francaj Invadoj okazigis grandajn damaĝojn al la lokanoj. En 1987 Vila do Conde estis altigita al la kategorio de "cidade" (urbo).

Proksimeco al Porto kaj ĝenerala disvolviĝo rezultis en plialtigo de 27 000 loĝantoj komence de la 20-a jarcento ĝis nunaj 80 000.

Fregezioj

La municipo estas subdividita en 21 freguesias, nome:

Árvore
Aveleda
Azurara
Bagunte, Ferreiró, Outeiro Maior e Parada
Fajozes
Fornelo e Vairão
Gião
Guilhabreu
Junqueira
Labruge
Macieira da Maia
Malta e Canidelo
Mindelo
Modivas
Retorta e Tougues
Rio Mau e Arcos
Touguinha e Touguinhó
Vila Chã
Vila do Conde
Vilar e Mosteiró
Vilar do Pinheiro

Vidindaĵoj

En Vila do Conde:

Konvento de Sankta Klara
Akvedukto de Vila do Conde aŭ de Sankta Klara
Preĝejoj de Vila do Conde aŭ de São João Baptista, de Sankta Klara, de Nossa Senhora da Lapa, de Nossa Senhora da Misericórdia, de Nosso Senhor dos Navegantes (en Caxinas), de Nossa Senhora da Guia
Kapeloj de Nossa Senhora do Socorro, de Santa Catarina, de São Bento, de São Roque, de Senhor da Agonia, de Santo Amaro
Fuorto de São João Baptista aŭ Kastelo de Vila do Conde
Palaceto Melo
Konvento de São Francisco
Blazondomoj de Morgados de São Bento, de São Roque (kun Sunkoridoro), de São Sebastião (kun Centro de Memoro), de Submosteiro aŭ Solar dos Vasconcelo (Municipa Spektaklejo)
Dom-Muzeo José Régio
Urbodomo
Iama prizono (kun Centro Ciência Viva de Vila do Conde)
Doganejo Alfândega Régia
Kopio de ŝipo el 16-a jarcento
Casa do Barco (ŝipdomo)
Lernejo de S. José, iama kazino de Vila do Conde
Lumturo do molhe norte
Historia Centro de Vila do Conde

En Azurara:

Iama Hospitalo São João Evangelista / Edifício MADI
Azenha Quinhentista (Akvomuelejo) ĉe Rivero Ave (16-a jarcento)
Kapelo aŭ Ermitejo de São Sebastião
Casa da Praça (domo de la placo)
Krucmonumentoj de Azurara kaj antaŭ Ermitejo de Santa Ana
Ermitejo de Santa Ana

Kapitelo ĉe la ĉefaltaro de la romanika preĝejo de São Cristóvão, en Rio Mau.

Lignaj ŝipkonstruejoj
Lumturo de Azurara
Preĝejoj de Misericórdia, de Santa Maria kaj de São Francisco de Azurara
Antikva kvartalo de Azurara
Passos de Azurara
Pilorio de Azurara

En aliaj fregezioj de la municipo:

Kastrumo de Bagunte, en Bagunte
Romanika preĝejo de São Cristóvão, en Rio Mau
Pontoj D. Zameiro (aŭ Ponte d’Ave), en Macieira da Maia, kaj Ponto de S. Miguel, en Arcos
Monaĥejo de São Simão kaj Kapelo de Nossa Senhora da Graça, en Junqueira
Marca de Enfiamento da Barra do Ave, kaj Kapelo da Senhora da Boa Nova, en Árvore
Monaĥejo de Vairão kaj Kapelo de São João, de la Preĝejo de Vairão
Palaco de Casal dos Cavaleiros, en Outeiro Maior
Kastrumo de São Paio, en Labruge