Wallenried

Wallenried
Blazono de Wallenried
Blazono de Wallenried
Vilaĝeniro de Wallenried, alvenante de Villarepos
Vilaĝeniro de Wallenried, alvenante de Villarepos
former municipality of Switzerland • vilaĝo • kvartalo
Kantono	Friburgo
Distrikto	Lagodistrikto
Koordinatoj	46° 52′ 25″ N 7° 6′ 57″ O / 46.87361 °N, 7.11583 °O / 46.87361; 7.11583 (mapo)Koordinatoj: 46° 52′ 25″ N 7° 6′ 57″ O / 46.87361 °N, 7.11583 °O / 46.87361; 7.11583 (mapo)
Nombro de loĝantoj	438
Areo	3,86 km²
Alteco	559 m super marnivelo
Poŝtkodo	1784
Komunumkodo	2283
Mapo de Wallenried
Mapo de Wallenried
v • d • r

Pri la komunumo

Wallenried (malnova franclingva nomo Esserts) estas komunumo en la Lagodistrikto en Kantono Friburgo, Svislando. Ĝi havis 438 loĝantojn je la 31-a de decembro 2010.

Geografio

Wallenried situas proksimume 6 kilometrojn sude de Morato en la fontregiono de la rojo Echelles, kiu alfluas al Chandon, siavice alfluanto de la Lago de Morato, kiu situas proksimume 7 kilometrojn norde de la vilaĝo. La komunumo konsistas el la vilaĝo Wallenried kaj la setlejo Grand Clos norde de la vilaĝo kaj diversaj izolitaj bienoj. En la sudo de la komunumo troviĝas golfludejo.^[1]

La teritorio de la komunumo etendiĝas sur areo de 3,86 km², de kiuj 17,3% estas kovritaj de arbaro, 61,6% servas por agrikulturo kaj 20,9% por setlado. ^[2]

Trafiko

La komunumo Wallenried situas flanke de la gravaj trafikvojoj. La kantona ĉefvojo n-ro 182 de Morato al Friburgo pasas laŭlonge de la orienta komunumolimo. La komunumo atingeblas de flankaj vojoj de Villarepos, Guschelmuth kaj Courtepin. La komunumo ne posedas propran konekton al la publika transportreto, la stacidomo Courtepin de la trajnlinio de Svisaj Federaciaj Fervojoj de Morato al Friburgo tamens situas en piedira distanco de la vilaĝo centro ĉe la suda komunumlimo.

Lingvoj

La komunumo Wallenried estas oficiale dulingva. Okaze de la popolnombrado de 2000 53,5% de la loĝantaro estis franclingva kaj 43,6% germanlingva.

Historio

La unua dokumenta mencio de Wallenried datiĝas el la jaro 1337 kiel Essert. Dum mezepoko Essert estis aparta Senjorujo, kiu en la jaro 1442 estis akirita de la urbo Friburgo kaj apartenis ek de tiam al la Malnova Kamparo de Friburgo. En la 17-a jarcento Essert alinomiĝis al Wallenried. Dum la tempo de la Helveta Respubliko de 1798 ĝis 1803 kaj poste ĝis 1848 al la distrikto Friburgo. Surbaze de la nova konstitucio de 1848 ĝi estis atribuita al la friburga Lagodistrikto.^[3]

Notoj kaj referencoj

1. Fonto: Reta mapo 1:20000 de Swisstopo^{[rompita ligilo]}
2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
3. Fonto: Ernst Tremp: La Malnova Kamparo de Friburgo en Historia Leksikono de Svislando (2011-09-26)

Eksteraj ligiloj

• Kategorio Wallenried en la Vikimedia Komunejo (Multrimedaj datumoj)

• Oficiala retejo de la komunumo Wallenried Arkivigite je 2006-08-22 per la retarkivo Wayback Machine

Bildoj

• 
  Preĝejo
• 
  Kastela parko