Wandlitz estas komunumo en Germanio. Ĝi troviĝas en la distrikto Barnim de la federacia landoBrandenburgio, kaj ekestis en oktobro 2003 per la fuzio de naŭ antaŭe sendependaj komunumoj. Fine de la jaro 2022 la komunumo havis 24 104 loĝantojn.
Tuj oriente de la komunumaj limoj, en la najbara komunumo Bernau bei Berlin, en 1958 ekestis "arbara setlejo" kiel aparte protektita vilaĝa loĝloko por altaj komunistaj funkciuloj de la ŝtato GDR. Ofte la setlejo pro sia proksimeco al la najbara komunumo Wandlitz simple nomiĝis per tiu nomo, sed tiu nomigo tamen malĝustas.
