La ĉefaj komunumopartoj estas la komunumopartoj Wietmarschen okcidente kaj la pli granda Lohne oriente; inter la du situas la germana aŭtovojo A31 kaj granda lago, kiu somere estas populara natura naĝejo. Pliaj komunumopartoj estas la vilaĝoj Füchtenfeld, Nordlohne, Schwartenpohl kaj Lohnerbruch. Situanta en la pleja nordoriento de la distrikto, la komunumo estas multe pli proksima al la urbo Lingen en la najbara distrikto Emsland ol al urbo de la propra distrikto: de la plej orienta loko de la komunuma teritorio, ĝis la urbocentro de Lingen estas distanco de nur 3 kilometroj.
