Wolfgang Thüne
| Wolfgang Thüne | |
|---|---|
| |
| Persona informo | |
| Naskiĝo | 8-an de oktobro 1949 (75-jaraĝa) en Heilbad Heiligenstadt |
| Lingvoj | germana |
| Ŝtataneco | Germanio Germana Demokratia Respubliko 
|
| Okupo | |
| Okupo | arta gimnasto
|
Wolfgang Thüne (naskita la 8-an de oktobro 1949 en Heilbad Heiligenstadt, 
Orienta Germanio, do nun 75-jara), estis olimpika medalulo en gimnastiko.
Li gajnis bronzan medalon en la teama kombina konkurado kun la GDR-teamo ĉe la Somera Olimpiko 1972 en Munkeno. En la individua kombina konkurado li atingis naŭan lokon ĉe tiuj ludoj. Li ankaŭ venis trie en la ĉiuflanka kun la GDR-teamo ĉe la Monda ĉampionado 1970 en Ljubljano kaj 1974 en Varno. Lia plej granda individua sukceso estis gajni la arĝentan medalon sur la horizontala stango ĉe la Monda ĉampionado 1974. Li prenis trian lokon sur la sama aparato jaron pli frue ĉe la Eŭropa Ĉampionado 1973
En la GDR-ĉampionadoj li gajnis entute ok individuajn titolojn en 1973 kaj 1974 en la kombina konkurso, en 1969, 1973 kaj 1974 sur la gimnastika ĉevalo, en 1973 kaj 1974 en ringa gimnastiko kaj en 1974 sur la horizontala stango. Wolfgang Thüne , kiu laboris en GDR kiel oficiro en la Nacia Popolarmeo, fuĝis al la Federacia Respubliko de Germanio kun la subteno de la okcidentgermana mondĉampiono de 1974 Eberhard Gienger la 2-an de junio 1975 dum la Eŭropa Ĉampionado en Berno. Gienger kunportis Thüne kaj okcidentgermanan arbitraciiston en sia aŭto trans la svis-federacigermana limo. Dum la pasportkontrolo, Gienger estis rekonita fare de la limgardisto, li deklaris ke li havis sian personan identigilon en la kofro kaj estis permesita pasi kun siaj pasaĝeroj sen kutima kontrolo. Thüne eliris en Emmendingen dum Gienger veturis reen al Berno. Por eviti ke al Gienger estus neitaj partoprenoj en estontaj konkurencoj en la Orienta Bloko, pro helpi eskapi, Thüne publike deklaris ke li petveturante atingis okcidentan Germanion. En GDR li estis kondamnita en malĉeesto pro dizerto. Li aliĝis al la klubo TSV Bayer 04 Leverkusen en la Federacia Respubliko kaj iĝis germana ĉampiono en 1977.
