Živanice

Koordinatoj: 50° 03′ 41″ N 15° 38′ 48″ O / 50.06139 °N, 15.64667 °O / 50.06139; 15.64667 (mapo)

Živanice
municipo
Baroka biena pordego en Živanice
Flago Blazono
Oficiala nomo: Živanice
Ŝtato	Ĉeĥio
Regiono	Regiono Pardubice
Distrikto	Distrikto Pardubice
Administra municipo	Lázně Bohdaneč
Historia regiono	Bohemio
Rojo	Bukovka
Situo	Živanice
- alteco	217 m s. m.
- koordinatoj	50° 03′ 41″ N 15° 38′ 48″ O / 50.06139 °N, 15.64667 °O / 50.06139; 15.64667 (mapo)
Areo	5,24 km² (524 ha)
Loĝantaro	1 013 (2024)
Denseco	193,32 loĝ./km²
Tabulo	Orientelba tabulo
Unua skribmencio	1226
Horzono	MET (UTC+1)
- somera tempo	MET (UTC+2)
Poŝtkodo	533 42
NUTS 3	CZ053
NUTS 4	CZ0532
NUTS 5	CZ0532 575593
Katastraj teritorioj	2
Partoj de municipo	3
Bazaj setlejunuoj	3
Situo enkadre de Ĉeĥio Situo enkadre de Ĉeĥio
Vikimedia Komunejo: Živanice
Retpaĝo: www.zivanice.cz
Portalo pri Ĉeĥio

Preĝejo en Živanice

Municipo Živanice situas en Ĉeĥio, regiono Pardubice, distrikto Pardubice, en ebenaĵo de la rivero Elbo, 8 km nordoriente de la urbo Přelouč kaj 3 km sudokcidente de la urbo Lázně Bohdaneč. Vivas ĉi tie 1 013 loĝantoj (2024).

La najbaraj municipoj de la setlejo estas Neratov, Černá u Bohdanče, Lázně Bohdaneč, Pardubice, Přelouč kaj Přelovice.

Partoj de municipo

• Živanice
• Dědek
• Nerad

Historio

La unua skriba mencio pri Živanice devenas el la jaro 1136, kiam ĝin aĉetis episkopo de Olomouc Jindřich Zdík, verŝajne filo de kronikisto Kosmas. De la jaro 1361 ĝi estis havaĵo de la monaĥejo de Opatovice kaj en la jaro 1491 la vilaĝo estis vendita al Vilém el Pernštejn.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	1 029
1880	1 075
1890	1 038
1900	1 061
1910	1 059
1921	969

Jaro	Loĝantoj
1930	973
1950	830
1961	937
1970	883
1980	872
1991	788

Jaro	Loĝantoj
2001	828
2014	959
2016	986
2017	1 005
2018	991
2019	1 000

Jaro	Loĝantoj
2020	988
2021	945
2022	976
2023	996
2024	1 013

Memorindaĵoj

Preĝejo

En la vilaĝo troviĝas gotika preĝejo de Anunciacio el la jaro 1350 (atestita en la jaro 1361), kiu estas kultura memorindaĵo. Estas ununava kun trilatere fermita presbiterejo, kun turo sur norda flanko, havanta en teretaĝo sakristion. Sur okcidenta flanko estas antaŭĉambreto. La presbiterejo kaj turo estas apogataj per pilieroj. La presbiterejo estas kruce volbita kun pinta triumfarko, en la navo plata kaseda plafono kaj ligna ĥorejo, sur okcidenta flanko gotika ortangula portalo. La ĉefaltaro estas malfrugotika, en centro statuoj de Sankta Maria, Sankta Barbara kaj Sankta Rozalia, sur altaro de Sankta Jozefo novtempa bildo de tiu sanktulo kaj malfrugotikaj plataĵaj bildoj de Sankta Maria Magdalena kaj de Madono, sur altaro de Sankta Venceslao novtempa bildo de la sanktulo kaj malfrugotikaj plataĵaj bildoj de Sankta Ursula, Rozalia, Apolonia kaj de Anuncoacio. En la preĝejo troviĝas valora statuo de Sankta Barbara el la 1-a duono de 16-a jarcento kaj bildo de Anunciacio de J. Kramolín.

Popolaj konstruaĵoj

Biena domo n-ro 3 kaj domo n-ro 26 kun triaksa pordego el la 2-a duono de la 19-a jarcento.

Pliaj memorindaĵoj

• Ŝtona kruco en Živanice
• Monumento al falintoj en la unua mondmilito
• Historia fajrobrigada domo
• Ŝtona kruco en vilaĝparto Dědek
• Kampanileto kaj ŝtona kruco en vilaĝparto Nerad

Legendo

En la jaro 1645 estis en Živanice granda sveda soldataro; sveda generalo Torstenson mem kontrolis ekzercadon de la soldatoj sur vilaĝplaco. Fratoj Pavelák kaŝitaj en turo de la preĝejo per unu sola pafo la generalon mortpafis. La svedoj eĉ ne sciis de kie ekis la pafo kaj prefere de la vilaĝo foriris. Sed certe la viktimo estis alia sveda oficiro, ĉar generalo Torstenson mortis en la jaro 1851 en Stokholmo.

Literaturo

• Marek Podhorský: Pardubický kraj. Eldonis freytag & berndt, eldonejo en Prago en 2004.
• Dr. E. Poche, DrSc. a kol. – Umělecké památky Čech. Eldonis Akademia en Prago en 1978.

Eksteraj ligiloj

• Paĝoj de mikroregiono Bohdaneč Arkivigite je 2010-05-26 per la retarkivo Wayback Machine ĉeĥe