2008ko Greziako istiluak

Atenasko enfrentamenduak.

Greziako 2008ko istiluak abenduaren 6an hasi ziren, Atenasko Exarcheia auzoan Greziako Poliziako indar berezietako (Epaminondas Korkoneas) kide batek Alexandros Grigoropoulos 15 urteko gaztea (grezieraz: Αλέξανδρος Γρηγορόπουλος) tiroz hil zuenean. Gertaera horrek kale-istilu eta enfrentamendu larriak eragin zituen abenduaren 7ko goizean Atenasko kaleetan.

Istiluetan gazteek poliziari aurre egin zioten barrikadak jarriz eta molotov koktelak jaurtiz. Halaber, hainbat saltoki eta eraikin ere eraso zituzten. Istiluok Tesalonika Greziako bigarren hirira hedatu ziren, baita beste hainbatera ere.

Abenduaren 8an, ezkerreko alderdiek deituta, milaka lagunek manifestazioa burutu zuten Atenasko kaleetan zehar hilketa salatu eta klase politikoaren aurka azaltzeko. Liskarrek beste hirietara zabaltzen jarraitu zuten.

Grebak

[aldatu | aldatu iturburu kodea]
Istiluak Tesalonikiko unibertsitatean.

Unibertsitateetako irakasleek hiru eguneko grebara deitu zuten. Ikasle mugimenduak ere hainbat lan-uzte antolatu zituen.

Abenduaren 10erako greba orokorrerako deialdia zabaldu zen Grezia osoan, "Karamanlis-en gobernuaren eta krisi ekonomikoaren aurka"[1].

Istiluen eta protesten kokalekua

[aldatu | aldatu iturburu kodea]

Alexandrosen hilketa salatzeko istiluak, Atenaseko eta Greziako beste hirietara zabaldu ziren. Bien bitartean, Europa eta Munduko beste zenbait hiritan ere protestak antolatu ziren.

Estatua Hiria(k)
 Grezia Atenas, Tesalonika, Ioanina, Komotini, Kastoria, Patras,Tripoli, Volos, Trikala, Mitilene, Agrinio, Kavala, Korfu, Pireo, Kanea, Heraklion, Rodas, Karditsa, Lamia, Stylida, Drama, Xanti[2], Lagkadas, Kozani, Alexandropoli, Larisa eta Korinto.
 Suedia Stockholm
 Argentina Buenos Aires
 Armenia Viena
 Alemania Berlin, Hanburgo, Kolonia, Hanover, Leipzig, Bremen, Dresden eta Nurenberg
 Erresuma Batua Londres eta Edinburgh
 Zipre Larnaka, Nikosia eta Pafos
 Italia Florentzia, Venezia, Erroma, Turin eta Bolonia[3]
 Espainia Sevilla, Madril eta Bartzelona
 Danimarka Kopenhage[4]
 Frantzia Paris[5] eta Bordele
 Errusia Mosku[6]
 Turkia Istanbul[6]
 AEB New York[7] eta Olympia
 Irlandako Errepublika Dublin
 Belgika Brusela eta Gante
 Suitza Zürich
 Australia Melbourne
 Errumania Bukarest
 Bulgaria Sofia

Erreferentziak

[aldatu | aldatu iturburu kodea]
  1. ↑ La Haine, "Miles de jóvenes griegos enfurecidos por el asesinato de Alexandros" 2008ko abenduaren 9a
  2. ↑ Artikulua. Protestak Xanti hirian. 2008ko abenduaren 8an. (Grezieraz)
  3. ↑ Boloniako (Italia) enbaxadan gertatutako istiluen artikulua. 2008ko abenduaren 9an. (Italieraz)
  4. ↑ Istiluak Grezian. Munduko zenbait hirietan gertatutako protestak. 2008ko abenduaren 11an.
  5. ↑ Zenbait gazte Parisen dagoen Greziako enbaxadan sartzen dira.
  6. ↑ a b Istiluak Grezian. Munduko zenbait hirietan gertatutako protestak.
  7. ↑ Txirrindulari batek Greziar enbaxadaren aurka harriak jaurtitzen ditu. 2008ko abenduaren 11an.

Kanpo estekak

[aldatu | aldatu iturburu kodea]