Agnes M. Sigurðardóttir

Agnes M. Sigurðardóttir
Irudi gehiago
apezpiku 2012ko ekainaren 24a - 2024ko irailaren 1a ← Karl Sigurbjörnsson ^(en) - Guðrún Karls Helgudóttir ^(en) →
Bizitza
Jaiotza	Ísafjörður, 1954ko urriaren 19a (70 urte)
Herrialdea	Islandia
Hezkuntza
Heziketa	Islandiako Unibertsitatea
Jarduerak
Jarduerak	artzaina eta apaiza
Jasotako sariak	ikusi Order of the Falcon
Sinesmenak eta ideologia
Erlijioa	luteranismoa

Hau islandiar izen bat da: azken izena ez da abizena, patronimikoa baizik. Pertsona hau deitzeko bataio-izena erabiltzen dute.

Agnes Margrétardóttir Sigurðardóttir (Ísafjörður, 1954ko urriaren 19a)^[1] islandiar artzain luterotarra da, 2012tik 2024ra Islandiako apezpikua izan zena. Kargu horretan jardun duen lehen emakumea da^[2].

Bizitza

Agnes Margrétardóttir Sigurðardóttir Ísafjörður herrian jaio zen 1954ko urriaren 19an. Sigurður Kristjánsson artzainaren eta Margrét Hagalínsdóttir emaginaren alaba da^[3]. 1981ean teologian graduatu zen Islandiako Unibertsitatean, eta urte hartako irailaren 20an artzain izendatu zuten. 1999tik apezpiku hautatu zuten arte, Mendebaldeko fiordoetako dean izan zen^[2].

2012an, Islandiako apezpiku izendatu zuten. Ekainaren 24an ordenatu zuten Hallgrímskirkja elizan^[3], eta uztailaren 1ean kargua hartu zuen. Islandiako Elizaren historiako lehen emakume apezpiku bihurtu zen^[2].

2019ko udazkenean, kristautasuna eskoletan irakasteari uzteak gizartearen zatiketa eragin zuela iragarri zuen, eta adierazpen hori egunkarietako lehen orrialdeetan agertu zen^[4]. 2018an, islandiarren %14 pozik zeuden bere jarduerekin^[5], eta 2023an % 11 bakarrik^[6]. 2024ko apezpiku hauteskundeetan ez zuen aurkeztu^[7] eta irailaren 1ean kargua utzi zuen^[8].

Dibortziatuta dago eta hiru seme-alaba ditu^[3]. Islandiako musika-bizitzan aktiboa izan da, pianoa eta organoa joz eta abesbatzetan abestuz^[9].

Erreferentziak

1. (Islandieraz) «Agnes Margrétardóttir Sigurðardóttir» Ísmús (Noiz kontsultatua: 2024-11-14).
2. ↑ (Ingelesez) Steinunn Arnþrúður Björnsdóttir. «First woman to be elected bishop takes office today» Þjóðkirkjan 2012-07-02 (Noiz kontsultatua: 2024-11-14).
3. ↑ (Islandieraz) «Biskupsvígsla» Glerárkirkja (Noiz kontsultatua: 2024-11-14).
4. (Islandieraz) María Sigrún Hilmarsdóttir. «Siðrof þegar hætt var að kenna kristinfræði» RÚV 2019-10-28 (Noiz kontsultatua: 2024-11-14).
5. (Islandieraz) «Færri treysta þjóðkirkjunni» MBL 2018-10-23 (Noiz kontsultatua: 2024-11-14).
6. (Islandieraz) Ari Páll Karlsson. «Aldrei færri ánægðir með störf biskups» RÚV 2023-09-27 (Noiz kontsultatua: 2024-11-14).
7. (Islandieraz) Ágúst Borgþór Sverrisson. «Tvær tillögur um að Agnes verði áfram biskup» DV 2023-10-26 (Noiz kontsultatua: 2024-11-14).
8. (Islandieraz) Björn Þorfinnsson. «Nýr biskup vígður – „Starfið í Þjóðkirkjunni er því eitt best geymda leyndarmálið á Íslandi“» DV 2024-09-01 (Noiz kontsultatua: 2024-11-14).
9. (Ingelesez) Guðrún Helga Sigurðardóttir. «Agnes M. Sigurðardóttir: The Bishop who is spring cleaning the church» Nordic Labour Journal 2015-03-06 (Noiz kontsultatua: 2024-11-14).

Kanpo estekak