Agrocybe arvalis

Agrocybe arvalis
Irudi gehiago
Sailkapen zientifikoa
Erreinua	Fungi
Klasea	Agaricomycetes
Ordena	Agaricales
Familia	Strophariaceae
Generoa	Agrocybe
Espeziea	Agrocybe arvalis Singer, 1936
Basionimoa	Agaricus arvalis

Agrocybe arvalis Strophariaceae familiako onddo espezie bat da.^[1]

Deskribapena

Kapela: 10 eta 30 mm bitarteko diametrokoa, hasieran hemisferikotik konikora, gero ganbila edo laua. Gainazala higrofanoa da, arre-okre antzeko kolore ilunekoa, koipetsua eguraldi hezean, beixa lehor dagoenean; ertza biribilduta denbora dezentez.

Orriak: Goranzkoak, fin-fin itsatsiak, zabalak, beix zurbilak gaztetan eta gero tonu marroi-gorrixkak hartzen dituzte.

Hanka: 40 eta 70 mm bitarteko garaierakoa eta 2 eta 4 mm inguruko diametrokoa, zilindrikoa, eraztun elastikorik gabe, zurixkatik beixera doan koloreko gainazalarekin, pixka bat pruinaduna luzetara , fibrilosoa, errizoide zurixkekin oinarrian eta azalean esklerozio globo-itxura antzeko beltzaxka batekin, baina barrutik zurixka.

Haragia: Zurbila.^[2]

Etimologia: Agrocybe hitza, grekotik datorren hitz konposatua da, landa eta burua, zelai burua esan nahi du.

Jangarritasuna

Interes gastronomikorik gabea.^[3]

Sasoia eta lekua

Udan eta udazkenean. Larreetan eta zelaietan

Banaketa eremua

Kanada, Ameriketako Estatu Batuak, Mexiko, Europa, Errusia, Japonia, Australia.^[4]

Erreferentziak

1. Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza  •   Bizkaiko Perretxiko eta Onddoak, A.D.E.V.E., 2012  •   Euskalnatura  •   Euskal Herriko Onddoak. 5 tomos, Luis García Bona, Kriselv, 1987  •   Catálogo micológico del País Vasco, Aeranzadi, 1973  •   Mendizalearen Hiztegia [mikologia], Ostadar Mendi Taldea.
2. (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 262 or. ISBN 84-282-0865-4..
3. (Gaztelaniaz) Asturnatura.
4. Agrocybe arvalis: GBIF—the Global Biodiversity Information Facility.

Kanpo estekak