Alejandra Hannoverkoa

 

Alejandra Hannoverkoa
Irudi gehiago
Bizitza
Jaiotzako izen-deiturak	Alexandra Charlotte Ulrike Maryam Virginia Prinzessin von Hannover
Jaiotza	Vöcklabruck ^(en) , 1999ko uztailaren 20a (25 urte)
Herrialdea	Monako
Bizilekua	Monako
Familia
Aita	Ernst August, Prince of Hanover
Ama	Karolina Monakokoa
Haurrideak	ikusi Andrea Casiraghi Carlota Casiraghi Pierre Casiraghi ^(en) Prince Ernst August of Hanover ^(en) Prince Christian of Hanover ^(en)
Leinua	House of Hanover ^(en)
Hezkuntza
Hizkuntzak	alemana frantsesa
Jarduerak
Jarduerak	izotz gaineko patinatzaile artistikoa eta aristokrata
Sinesmenak eta ideologia
Erlijioa	katolizismoa Luteranismoa

Alejandra Hannoverkoa, izen osoa Alejandra Carlota Ulrica Maryam Virginia, alemanez: Alexandra, Prinzessin von Hannover (Vöcklabruck, Austria Garaia, Austria, 1999ko uztailaren 20a) aristokrata da. Ernesto Augusto V.a Hannoverkoaren eta haren bigarren emaztearen (Karolina Monakoko printzesa) alaba bakarra da. Hannoverko printzesaren noblezia-titulua du, Monakon erabilia eta mundu osoan adeitasunez erabilia.^{[1][2][3][4][5]}

Biografia

Jaiotza

Alejandra 1999ko uztailaren 20an jaio zen Vöcklabruck-en, Austriako Goi Austrian. Gurasoak Ernesto Augusto V.a Haboverkoa eta Karolina Monakoko printzesa. Aitaren bidez, Jurgi III.a Erresuma Batuko erregearen eta Gilen II.a Alemaniako enperadorearen ondorengoa da; amaren bidez, ostera, Raniero III.a Monakoko eta Gracia Patricia (Grace Kelly) printzeen biloba.

Bataioa

Bataio amabitxi-aitabitxi hauexek izan zituen: aitaren izeba, Leiningenen Alejandra printzesa (Hannoverko Alejandra printzesa jaioa), amaren aldetik zuen ahizpa, Carlota Casiraghi, Ulrike Ulmschneider, Maryam Sachs, Virginia Gallico, George Condo eta Eric Maier. Amabitxien izena hartu zuen. Sakramentua 1999ko irailaren 19an hartu zuen.

Heldu gisa katoliko bihurtu zen, bere aitabitxia Luc Frigant koronela zela.^[6]

Tituluak

Izenburu osoa hauxe du: Hannoverko Alejandra Carlota Ulrica María Virginia, Brunswickeko eta Luneburgo ko Dukesa, Britainia Handiko eta Irlandako printzesa; baina Alemania eta Irlanda errepublikak dira, eta Erresuma Batuak ez du aurreko titulua onartzen. Hannoverko Alejandra printzesari zegokion 'Errege Gorentasuna' delako tratamendua Monakon baino ez da erabiltzen ofizialki, edo munduko beste leku batzuetan kortesiaz. Gurasoak ezkondu eta sei hilabetera jaio zen.

Monakoko tronuaren ondorengo lerroan dago, gaur egun erlijio katolikoa baitu. Britainia Handiko tronuaren ondorengotzaren lerroan zegoen, 411. postuan, erlijio luteranoa zuen bitartean.

Neba-ahizpak

Aitaren aldeko bi neba erdi ditu:

• Ernesto Augusto Hannoverkoa
• Kristian Hannoverkoa

Amaren aldeko hiru neba-ahizpa erdi ditu:

• Andrea Casiraghi.
• Carlota Casiraghi.
• Pierre Casiraghi.

Ekitaldi ofizialak

2011n, Alejandrak bi familia-gertaera garrantzitsu izan zituen: Antonieta Monakoko printzesa zen amonaren hileta, martxoaren 24an, eta osabaren ezkontza, Alberto II.a Monakoko printze eta Charlene Monakokoarena (ezkongabetan, Charlene Wittstock), uztailaren 1ean eta 2an.

Alejandra Monakon egiten den La Rosako dantzaldira ere joaten da, amak antolatzen baitu.

Zaletasunak

Kiroletan, izotz gaineko patinajean nabarmentzen da printzesa.'^[7]

Ahaideak

Tituluak

1999ko uztailaren 20tik Alejandra printzesaren titulu ofiziala Alejandra Carlota Ulrica Hannoverko María Virginia printzesa, Brunswick-eko eta Luneburgodukesa , Britainia Handiko eta Irlandako printzesa da.

Erreferentziak

1. https://www.palais.mc/en/princely-family/h-r-h-the-princess-of-hanover/biography-1-8.html
2. (Gaztelaniaz) Nast, Condé. (2021-07-20). «Los 22 años de Alexandra de Hannover, el ojito derecho de Carolina de Mónaco: una intelectual enamorada de un deportista y que sueña con ser 'personal shopper'» Vanity Fair (Noiz kontsultatua: 2023-05-29).
3. (Gaztelaniaz) «Alexandra de Hannover cumple 23 años: su estilo, look a look» hola.com 2022-07-20 (Noiz kontsultatua: 2023-05-29).
4. (Gaztelaniaz) «Alexandra de Hannover cumple 23 años: así es la hija más desconocida de Carolina de Mónaco» El Español 2022-07-20 (Noiz kontsultatua: 2023-05-29).
5. Txantiloi:Es-US «Alejandra de Hannover, la princesa que ya marca tendencia como su madre» es-us.vida-estilo.yahoo.com 2022-09-28 (Noiz kontsultatua: 2023-05-29).
6. Alejandra de Hannover renuncia al luteranismo
7. Campeonato de Patinaje Sobre Hielo

Kanpo estekak