Aliza Greenblatt

Aliza Greenblatt
Bizitza
JaiotzaOzaryntsi (en) Itzuli, 1888ko irailaren 8a
Herrialdea Ameriketako Estatu Batuak
 Errusiar Inperioa
HeriotzaNew York, 1975eko irailaren 21a (87 urte)
Familia
Seme-alabak
Hezkuntza
HizkuntzakYiddisha
Jarduerak
Jarduerakpoeta eta idazlea
Discogs: 1087503 Edit the value on Wikidata

Aliza Greenblatt (yiddishez: עליזה גרינבלאַט), jaiotzez Aliza Aronson, (yiddishez: עליזה אַהרונזאָן; Ozaryntsi, Errusiako Inperioa, 1888ko irailaren 8a – New York, Ameriketako Estatu Batuak, 1975eko irailaren 21a) estatubatuar yiddishazko poeta izan zen.

Bizitza

[aldatu | aldatu iturburu kodea]

Ozaryntsi herrian jaio zen 1888an Abraham Aronson eta Brokhe Bas-Tsion Rozovskiren familian. 1893an aita hil zitzaion[1], ama berriro ezkondu zen eta familia Sorocara joan zen bizitzera. 1900ean Aliza Filadelfiara etorri zen aitaorde eta hiru nebaorderekin[1][2]. Amak eta ahizpa batek 1904an emigratu zuten, eta beste ahizpa bat bere familiarekin etorri zen 1922an[3].

1907an, Isadore Greenblattekin ezkondu zen[1]. Bost seme-alaba izan zituzten, Herbert, David, Gertrude, Marjorie eta Bernard[3]. 1920an bikotea saiatu zen Palestinako Britainiar Mandatura bizitzera joaten, baina arrakastarik gabe. Hogeita hamar urte geroago, Israel ezarri ondoren, berriro saiatu ziren eta urtebetez borrokan aritu ostean, Estatu Batuetara itzuli ziren. New Yorkera joan ziren bertako yiddish literatur komunitatetik gertuago egoteko[1].

Azken urteetan, Greenblatt idazkeran zentratu zen. Bere poemak eta abestiak Estatu Batuetako eta Israelgo egunkarietan agertu ziren. New Yorken hil zen 1975eko irailaren 21ean[1].

Lanak

[aldatu | aldatu iturburu kodea]
  • Lebn mayns (1935).
  • Tsen lider mit gezang (1939).
  • Ikh zing (1947).
  • Ikh un du (1951).
  • In si-geyt baym yam (1957).
  • Baym fenster fun a lebn (1966).

Erreferentziak

[aldatu | aldatu iturburu kodea]
  1. ↑ a b c d e (Ingelesez) Shavelson, Susanne A. «Aliza Greenblatt» The Shalvi/Hyman Encyclopedia of Jewish Women (Noiz kontsultatua: 2023-10-03).
  2. ↑ (Yiddishaz) Greenblatt, Aliza; Glitsenshṭeyn, Enriko. (1966). Baym fentsṭer fun a lebn. Nyu-Yorḳ: Farlag Alizah, 9 or. (Noiz kontsultatua: 2023-10-03).
  3. ↑ a b (Ingelesez) «Papers of Aliza Greenblatt (1885-1975)» Center for Jewish History (Noiz kontsultatua: 2023-10-03).

Kanpo estekak

[aldatu | aldatu iturburu kodea]