Alosterna tabacicolor

Alosterna tabacicolor
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Cerambycidae
Leinua	Lepturini
Generoa	Alosterna
Espeziea	Alosterna tabacicolor De Geer, 1775

Alosterna tabacicolor Cerambycidae familiako kakalardoa da, zientziarako Charles De Geerek 1775ean deskribatu zuena. Eremu Paleartiko guztian zabaldurik dago, baita Euskal Herrian ere.^[1]

Deskribapena

Kakalardo txikia da, 6-10 mm arteko luzera baino ez du hartzen. Gorputz luze eta liraina du, pronotoa ere luzatua du eta zeranbizidotan ohikoa denek antena oso luzeak ditu. Kakalardoa kolore ilunekoa da oinarrian eta elitroen aurrealdea marroi-horixka da. Elitroa ile finak estaltzen du. Hankak ere marroi-horixkak dira, muturrean ilunagoak.^[2]

Habitata

Baso inguruetan bizi da eta apiazeoen loreetaz elikatzen da.^[2]

Bizi zikloa

Helduak apirila eta uztaila artean ikusten dira hegan. Emeak haritz kandudunaren (Quercus robur) enborreko azalean jartzen ditu arrautzak eta beldarrak hartaz elikatzen dira. Usteltze prozesua aurreratuta duten bestelako zuhaitz hostozabaletan ere aurki daitezke. Bi urte irauten du haien bizi zikloak.

Iruditegia

• 
• 
• 

Erreferentziak

1. «EHAEko Coleoptera Catalogoa|Heteropterus» www.heteropterus.org (Noiz kontsultatua: 2023-09-09).
2. ↑ «Alosterna tabacicolor tabacicolor» www.cerambyx.uochb.cz (Noiz kontsultatua: 2024-11-09).

Kanpo estekak