Anti H-Block

Anti H-Block
Datuak
Izen laburra	AHB
Mota	alderdi politikoa
Herrialdea	Irlandako Errepublika
Ideologia	Irlandar errepublikanismoa
Historia
Sorrera	1981
Koloreak

Anti H-Block (euskaraz H-Blokearen Aurka) 1981eko Irlandako gose grebalariek urte hartako Ipar Irlandako eta Irlandako Errepublikako Hauteskundeetan aurkezteko erabili zuten hautesmarka da. "H-Block" delako Maze espetxearen laburdura da, espetxe horretan gose grebalariak preso zeuden bloke edo eraikinek oinplanoak H hizkiaren itxura baizuten.

Hautesmarka honen izenpean aurkeztu zen lehenbiziko hautagaia Bobby Sands gose grebalaria izan zen, 1981eko apirilean Ipar Irlandako Hauteskundeetan eta Fermanagh eta Hego Tyrone barrutian. Bere hautagaitzak barruti horretan irabazi, Westminsterreko Parlamentuan ordezkaritza eta eserlekua lortu eta Sands gose grebaren ondorioz hiltzean, Britainiar Gobernuak horrelakorik gehiago ez errepikatzeko asmoz bere nahierako legedialdaketa onartu zuen: ordutik aurrera urte bateko espetxe zigorra baina gehiago zuen preso orok ezingo zuen hauteskundeetara aurkeztu ezta Westminsterren eserlekurik izan ere. Hortaz, Britainiar Gobernuaren azpijoko hori ekiditeko, Sandsen agentea izan zen Owen Carron errepublikar ekintzailea "Anti-H-Block Proxy Preso Politiko" gisa aurkeztu eta ondorengo hauteskunde partziala ere irabazi zuen.

1981eko ekaineko Irlandako Errepublikako Hauteskunde Nagusian ere Anti H-Block markaren pean bederatzi errepublikar preso hautagai ere aurkeztu ziren. Kieran Doherty eta Paddy Agnew presoen hautagaitzek Cavan–Monaghan eta Louth barrutietako ordezkaritza bana irabazi zituzten, bienbitartean Joe McDonnell eta Martin Hurson errepublikar presoen hauatagaitzek Sligo–Leitrim eta Longford–Westmeath barrutietan ordezkaritzak lortzeko ozta-ozta gelditu ziren.

Anti H-Block hautesmarkak lortutako arrakasta eta babesaren ondoren Sinn Féin alderdiari elkartzen amaitu zuen.

1981eko Irlandako Erepublikako Hauteskunde Nagusietako hautagaiak

██ Dáil Éireann parlamentuan eserlekua lortu zuten hautagaiak

Barrutiak	Hautagaiak	Taldekidetza	Lehen txandako bozkak	%a	Oharrak
Cavan–Monaghan	Kieran Doherty	Provisional IRA – Sinn Féin	9.121	15,10	Laugarren kontaketan hautatua
Clare	Tom McAllister	INLA – Irlandar Alderdi Errepublikar Sozialista	2.120	4,68
Cork North-Central	Mairéad Farrell	Provisional IRA – Sinn Féin	2.751	6,05
Dublin West	Anthony O'Hara	INLA – Irlandar Alderdi Errepublikar Sozialista	3.034	6,49	Patsy O'Hara gose grebalariaren anaia
Kerry North	Seán McKenna	Provisional IRA – Sinn Féin	3.860	11,26
Longford–Westmeath	Martin Hurson	Provisional IRA – Sinn Féin	4.573	10,08
Louth	Paddy Agnew	Provisional IRA – Sinn Féin	8.368	18,29
Sligo–Leitrim	Joe McDonnell	Provisional IRA – Sinn Féin	5.639	11,82	Laugarren kontaketan kanporatua
Waterford	Kevin Lynch	INLA – Irlandar Alderdi Errepublikar Sozialista	3,337	7.63

Beste hautagaiak:

Barrutiak	Hautagaiak	Kidetasun politikoa	Lehen txandako bozkak	%a	Oharrak
Cork South-West	Sean Kelleher	Independent Anti H-Block	1,097	3.25	Anglo-Irlandar Gerra garaiko Tom Kelleher Corkeko IRAkidearen semea
Dublin North-Centrall	Vincent Doherty	People's Democracy/National H Block/Armagheko Batzordea	1,481	3.65
Dublin North-East	Paddy Healy	Langileen Errepublikarako Liga/H-Blockeen aurkako sindikatulariak	1,063	3.65	Seamus Healyren anaia.

Kanpo estekak