Aurora hori

Aurora hori
Irudi gehiago
Iraute egoera
Arrisku txikia  (IUCN 3.1)
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Pieridae
Leinua	Anthocharini
Generoa	Anthocharis
Espeziea	Anthocharis euphenoides Staudinger, 1869
Banaketa mapa

Aurora horia (Anthocharis euphenoides) Pieridae familiako lepidopteroen espezie bat da, Europa hego-mendebaldean aurkitzen dena, Iberiar penintsulan, Frantzian eta Italian batez ere. Itsasmailatik 1.800 metrotako altuerara aurki daiteke.

Deskribapena

Tamaina ertaineko tximeleta da, 30-40 mm-ko hegal-zabalera du^[1]. Sexu dimorfismoa agertzen duen tximeleta da. Arrak kolore hori bizia du eta hego puntak laranja kolorekoak ditu. Emea aldiz zuria da eta hegalen puntan kolore laranja eta marroia ditu. Hegal bakoitzean puntu beltz bana ere baditu^[2]. Hegalen azpialdea sexu bietan horia da eta oliba koloreko orbainak ditu.

Beldarra gris-urdinxka da eta puntu beltzak ditu. Bizkarraldean lerro hori bat dauka. Beldarraren azpialdea ere horia da. Gorputz guztian ile motzak ditu ez oso sarriak.

Bizi zikloa

Tximeletak apirila eta uztaila artean ikusten dira hegan. Ondoren arrautzak jarri eta beldarra jaiotzen da. Biscutella laevigata eta Biscutella auriculata landareetaz eliatzen da^[1]. Negua pupa eran hibernatuz igarotzen du.

Iruditegia

• 
  Tximeleta arra.
• 
  Tximeleta emea.
• 
  Hegalen azpialdea (arra).
• 
  Hegalen azpialdea (emea).

Erreferentziak

1. ↑ (Gaztelaniaz) Magazine, Waste. «Guía de mariposas, Lepidópteros de la península Ibérica, en Waste magazine» Waste Magazine (Noiz kontsultatua: 2023-03-13).
2. (Gaztelaniaz) Anthocharis euphenoides – El medi natural del Bages i del Moianès. (Noiz kontsultatua: 2023-03-13).

Kanpo estekak