Beriain (mendia)

Artikulu hau Andimendiko tontorrari buruzkoa da; beste esanahietarako, ikus «Beriain (argipena)».

Beriain
Datu orokorrak
Garaiera	1.493 m
Mota	mendi
Geografia
Koordenatuak	42°53′34″N 1°59′52″W / 42.8928°N 1.9978°W / 42.8928; -1.9978
Mendikatea	Andimendi
Herrialdea	Euskal Herria
Foru erkidego	Nafarroa Garaia
Mendizaletasuna
Ohiko bidea	Unanutik
Luberri	Luberri

Beriain (gaztelaniaz San Donato) Nafarroa Garaiko mendebaldeko mendi bat da, Andimendi mendilerrokoa. Sakana haranean dago, Euskal Herriko erdigunean, eta duen garaieragatik oso irudi ezaguna da ingurumarietan.

1.493 metro garai da.^[1] Goian dagoen San Donato baseliza Nafarroa Garaikoetan altuen dagoena da, eta bertan San Donato eta San Kaiet gurtu ohi dira.

Izenaren auzia

Badirudi mendiaren izen bakarra, oraintsu arte, Berain zela. Beriain formaren lehenengo agerpena 1920koa da, Espainiako Instituto Geográfico y Catastral erakundearen mapa batean. Batzuek mendiaren tontorrean dagoen San Donato baselizaren izena ematen diote mendiari, baina inguru hori ondo ezagutzen duenak biak bereizi ohi ditu.

Igotzeko abiapuntuak

• Lizarragako mendatea (4 ordu).
• Uharte Arakil (3 ordu).
• Goñerri (3 h 30 m).
• Unanu (2 h 30 m).
• Senosiain (2 h 30 m).
• Dorrao (2 h 30 m) .

Iruditegia

• 
  Beriain mendia Etxarri Aranazko soroetatik ikusita.
• 
  San Donato baseliza.
• 
  Beriain mendia, Unanu eta Dorrao herrien ikuspegi panoramikoa.
• 
  Beriain mendia eta Unanu herria.
• 
  Torrealdai eta Arrizabalaga, tontorreko ermitan, Sakana osoa lainopean dagoela.
• 
  Beriain Zamartzetik.

Erreferentziak

1. «Beriain (San Donato) (1493 m) - Mendiak.eus» mendiak.eus (Noiz kontsultatua: 2021-06-10).

Ikus, gainera

• Nafarroako mendien zerrenda

Kanpo estekak

• Beriain inguruko hainbat ibilbide, Argia aldizkarian.

Euskarazko Wikipedian bada atari bat, gai hau duena: Euskal Wikiatlasa