Besse Cooper

Besse Cooper
Bizitza
JaiotzaSullivan konderria, 1896ko abuztuaren 26a
Herrialdea Ameriketako Estatu Batuak
HeriotzaWalton konderria, 2012ko abenduaren 4a (116 urte)
Heriotza modua: arnas gutxiegitasuna
Hezkuntza
HeziketaEast Tennessee State University (en) Itzuli
Jarduerak
Jarduerakirakaslea
Sinesmenak eta ideologia
Alderdi politikoa Ameriketako Estatu Batuetako Alderdi Errepublikanoa
Find a Grave: 72757281 Edit the value on Wikidata

Besse Berry Cooper (Sullivan, Tennessee, AEB, 1896ko abuztuaren 26a – Monroe, Georgia, AEB, 2012ko abenduaren 4a) estatubatuar maistra eta sufragista, ehun urteduna izan zen, 2011ko ekainaren 21etik hil zen arte bizirik zegoen munduko pertsona zaharrena izan zena.[1] 116 urtera arte bizi izan zela baieztatutako zortzigarren pertsona izan zen.[2]

Bizitza

[aldatu | aldatu iturburu kodea]

Besse Berry Brown Sullivan konderrian (Tennessee) jaio zen, 1896ko abuztuaren 26an. Gurasoak Richard Brown (1861–1932) eta Angeline Berry (1866–1927). Izan zituzten zortzi seme-alabetatik hirugarrena izan zen.[3] Txikitan, ondo moldatu zen eskolan, eta irakurle amorratua izan zen.[4] East Tennessee State Normal Schoolen (gero East Tennessee State University) graduatu zen 1916an. Sasoi horretan egin zen sufragista.[5] 1917an AEB Lehen Mundu Gerran sartu eta Georgiara bizitzera joan aurretik, maistra izan zen Tennesseen.[6] Georgiako Between herrian irakatsi zuen 1929ra arte.

Geroko bizitza

[aldatu | aldatu iturburu kodea]

Luther Cooperrekin (1895-1963) ezkondu zen 1924an eta lau seme-alaba izan zituen berarekin. Luther Cooper 68 urterekin hil zen, 1963ko abenduan. Senarra hil ostean, Cooper bakarrik bizi izan zen bere etxaldean 2001era arte, 105 urterekin zahar-egoitza batera bizitzera joan zen arte.[7][8] Georgiako Monroe hirian eman zituen azken urteak.[9] Cooper 2012ko abenduaren 4an hil zen arnas gutxiegitasunaren ondorioz urdaileko gripeak jota.[10]

Bizitza-luzea

[aldatu | aldatu iturburu kodea]

Cooper Georgiako egoiliar zaharrena bihurtu zen 2009ko urtarrilaren 19an, Beatrice Farve 113 urterekin hil ostean.[11] 2011ko maiatzaren 18ra arte, Brasilgo Maria Gomes Valentim egiaztatu zuten arte, munduan bizirik zegoen emakume zaharrena zela uste izan zen.[12] 2011ko ekainaren 21ean, Maria Gomes Valentim hil zen, eta Cooper munduan bizirik zegoen pertsona zaharrena bihurtu zen.[13] Txostenen arabera, Cooperrek "bere negozioaz arduratzea" eta zabor-janaria saihesteari egotzi zion bizitza luzea izatea.[14]

2012ko abuztuan 116 urte bete zituenean, Cooperrek lau seme-alaba, 11 biloba, 13 birbiloba eta bi hereniloba zituen.[15][16] 2012ko uztailean, Georgiako zubi bat izendatzeko proposamena aurkeztu zen Cooperren omenez; 2012ko abuztuaren 24an Besse Brown Cooper Bridge izena jarri zitzaion zubiari.[17][18][19][20] 2013ko urrian, Paul Cooper Cooperren bilobak Besse Brown Cooper Fundazioa sortu zuen. Irabazi-asmorik gabeko erakundea da, eta mundu osoko ehun urtetik gorako pertsonei "laguntza finantzarioa, legala, medikoa eta harreman publikoetakoa" ematea du helburu.[21]

Cooper 2012ko abenduaren 4an hil zen, 116 urte eta 100 egun zituela. Bera hil ostean, Dinah Gerri Manfredini, 115 urtekoa, bizirik zegoen pertsonarik zaharrena izan zen.

Aintzatespena

[aldatu | aldatu iturburu kodea]
  • 2012an zubi bati bere izena jarri zioten.[17][18][19][20]
  • 2013tik bere izeneko fundazioa du, mundu osoko ehun urtetik gorako lagunei laguntza emateko.[21]

Erreferentziak

[aldatu | aldatu iturburu kodea]
  1. ↑ http://www.cnn.com/2012/12/04/us/georgia-oldest-person-dies/index.html
  2. ↑ Swanepoel, Sharon. (26 de agosto de 2012). «Sweet 116th Birthday Wishes to the World's Oldest Living Person» Loganville-Grayson Patch.
  3. ↑ Oldest American dies. 9 de marzo de 2010, 3 or..
  4. ↑ Dennis, Joe. (29 de agosto de 2004). «Cooper marks 108th birthday» Walton Tribune.
  5. ↑ CNN
  6. ↑ Brooks, James. (1 de febrero de 2011). World's oldest person is a graduate of what is now ETSU. .
  7. ↑ Milligan, Stephen. (26 de agosto de 2007). At 111, she’s second oldest in Georgia. .
  8. ↑ Birthday kiss for a centenarian. 27 de agosto de 2009, B1 or..
  9. ↑ "Governor visits Besse". Walton Tribune. March 30, 2011. Retrieved September 20, 2012.
  10. ↑ «Besse Cooper, World's Oldest Person, Dies at Age 116» TIME 5 de diciembre de 2012.
  11. ↑ Milligan, Stephen. (26 de agosto de 2007). At 111, she’s second oldest in Georgia. .
  12. ↑ Yapp, Robin. (18 de mayo de 2011). Brazilian woman aged 114 is world's oldest person. .
  13. ↑ Swanepoel, Sharon. (26 de agosto de 2012). «Sweet 116th Birthday Wishes to the World's Oldest Living Person» Loganville-Grayson Patch.
  14. ↑ A look back at 2011. 1 de enero de 2012.
  15. ↑ Milligan, Stephen. (29 de agosto de 2012). Cooper continues to make history. .
  16. ↑ Schwartz, Robbie. (22 de agosto de 2012). Bridge naming for World's oldest person. .
  17. ↑ a b Swanepoel, Sharon. (26 de agosto de 2012). «Sweet 116th Birthday Wishes to the World's Oldest Living Person» Loganville-Grayson Patch.
  18. ↑ a b «Effort to name bridge for Besse Cooper» Walton Tribune 1 de julio de 2012.
  19. ↑ a b «Dedication of Besse Cooper Bridge Scheduled for Friday» Loganville-Grayson Patch 23 de agosto de 2012.
  20. ↑ a b «Bridge dedicated to world's oldest person» Walton Tribune 24 de agosto de 2012.
  21. ↑ a b About us. Besse Brown Cooper Foundation.

Ikus, gainera

[aldatu | aldatu iturburu kodea]

Kanpo estekak

[aldatu | aldatu iturburu kodea]
  • Besse Brown Cooper Foundation, Cooper-en bilobak sortutako irabazi-asmorik gabeko erakundea
Aurrekoa:

Maria Gomes Valentim

Bizirik zegoen pertsonarik zaharrena

02011-06-21 2011ko ekainaren 21a - 2012ko abenduaren 12a

Hurrengoa:

Dina Manfredini